Fótbolti

Hópurinn gegn Frakklandi og Andorra: Birkir Már, Jóhann Berg og Alfreð koma inn

Ingvi Þór Sæmundsson skrifar
Birkir Már kemur aftur inn í hópinn.
Birkir Már kemur aftur inn í hópinn. vísir/getty
Erik Hamrén hefur tilkynnt íslenska landsliðshópinn fyrir leikina gegn Frakklandi og Andorra í undankeppni EM 2020.



Birkir Már Sævarsson kemur aftur inn í hópinn en hann var ekki valinn í hópinn gegn Moldóvu og Albaníu í síðasta mánuði.



Jóhann Berg Guðmundsson og Alfreð Finnbogason koma einnig aftur inn í hópinn en þeir voru meiddir í síðasta landsliðsverkefni.



Hörður Björgvin Magnússon, sem meiddist í leik CSKA Moskvu og Espanyol í Evrópudeildinni í gær, er í hópnum. Sömu sögu er að segja af samherja hans hjá CSKA Moskvu, Arnóri Sigurðssyni, en hann þurfti að draga sig út úr landsliðshópnum í síðasta mánuði vegna meiðsla.



Sverrir Ingi Ingason er í hópnum en hann dró sig út úr landsliðshópnum síðast til að reyna að vinna sér sæti í byrjunarliði Grikklandsmeistara PAOK.



Birkir Bjarnason og Emil Hallfreðsson, sem eru án félags, eru í hópnum.



Ísland mætir Frakklandi föstudaginn 11. október og Andorra mánudaginn fjórtánda. Báðir leikirnir fara fram á Laugardalsvellinum.



Ísland er í 3. sæti H-riðils undankeppni EM 2020 með tólf stig.



HópurinnMarkverðir:

Ögmundur Kristinsson | AEL Larissa

Rúnar Alex Rúnarsson | Dijon

Hannes Þór Halldórsson | Valur



Varnarmenn:

Hjörtur Hermannsson | Bröndby

Sverrir Ingi Ingason | PAOK

Kári Árnason | Víkingur R.

Ragnar Sigurðsson | Rostov

Jón Guðni Fjóluson | Krasnodar

Hörður Björgvin Magnússon | CSKA Moskva

Ari Freyr Skúlason | Oostende

Guðlaugur Victor Pálsson | Darmstadt

Birkir Már Sævarsson | Valur



Miðjumenn: 

Samúel Kári Friðjónsson | Vålerenga

Rúnar Már Sigurjónsson | Astana

Birkir Bjarnason | án félags

Arnór Sigurðsson | CSKA Moskva

Aron Einar Gunnarsson | Al Arabi

Emil Hallfreðsson | án félags

Arnór Ingvi Traustason | Malmö



Framherjar:

Kolbeinn Sigþórsson | AIK

Gylfi Sigurðsson | Everton

Jón Daði Böðvarsson | Millwall

Viðar Örn Kjartansson | Rubin Kazan

Alfreð Finnbogason | Augsburg

Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.