Gerir enn gæfumun þrátt fyrir mótlæti Hjörvar Ólafsson skrifar 30. september 2019 16:45 Neymar. VÍSIR/GETTY Sóknarmaðurinn umdeildi, Neymar, fór ekki í neinar felur með það eftir að síðasta keppnistímabili lauk að hann þráði það heitt að komast burt frá franska stórveldinu PSG. Barcelona reyndi allt sem í þeirra valdi stóð til þess að sækja stórstjörnuna aftur til Katalóníu en eftir langar og strangar samningaviðræður varð niðurstaðan sú að Neymar yrði um kyrrt hjá PSG. Eftir að í ljós kom að Barcelona myndi ekki klófesta framherjann ákvað Neymar að fara í hart við spænska stórveldið og krafðist þess að Barcelona myndi greiða sér bónus sem hann taldi sig eiga inni hjá félaginu. Forráðamenn Barcelona telja hins vegar að eftir að Neymar yfirgaf félagið og gekk til liðs við PSG hafi ákvæði samningsins við Brasilíumanninn um bónusgreiðsluna fallið úr gildi. Málið verður útkljáð í réttarsal. Stuðningsmenn PSG voru eðlilega ekki sáttir við framgöngu Neymar og þankagang hans í garð félagsins og hafa baulað á hann í fyrstu leikjum hans með liðinu á tímabilinu. Neymar skoraði sigurmark PSG í 1-0 sigri gegn Bordeaux um helgina. Nú er svo komið að Neymar hefur tryggt PSG sigur í síðustu þremur deildarsigrum liðsins. Telur að ástríðan muni líta dagsins ljós á nýjan leik Hann kom meiddur til liðs við leikmannahóp PSG eftir sumarfrí og var fjarri góðu gamni í fyrstu leikjum liðsins. Neymar hefur svo skorað þrjú mörk í þeim fjórum leikjum sem hann hefur spilað eftir að hann hristi af sér meiðslin. Þrátt fyrir að Neymar hafi tryggt PSG níu af þeim átján liðum sem liðið hefur innbyrt virðast stuðningsmenn Parísarliðsins ekki hafa fyrirgefið honum og halda áfram að baula. „Ég er hérna staddur til þess að aðstoða PSG eins mikið og ég get. Ég er í vinnu sem íþróttamaður hjá félaginu og mun gefa allt sem ég á til þess að PSG fari með sigur af hólmi í þeim leikjum sem ég spila fyrir félagið. Við getum vonandi fagnað saman og lyft bikurum í lok tímabilsins. Þetta er eins og samband með kærustu sem þú ert ekki í samskiptum við í einhvern tíma. Síðan kemur ástríðan aftur og allt verður eðlilegt á ný,“ segir Neymar í samtali við L'Équipe um samband sitt við stuðningsmenn PSG eftir sigurleikinn gegn Bordeaux um helgina. Mörk og sigrar í Meistaradeild Evrópu gætu lagað stöðuna Athyglin hefur verið mikl á lífi Neymar utan vallar síðustu ár. Hann hefur líkt og fleiri launaháir leikmenn lent í stappi við spænsk skattayfirvöld, hann var kærður fyrir nauðgun fyrr á þessu ári og þá hefur leikstíll hans farið verulega á taugarnar á andstæðingum hans. Eftir að PSG féll úr leik í Meistaradeild Evrópu fyrir Manchester United í 16 liða úrslitum keppninnar síðasta vor jós hann svo úr skálum reiði sinnar og fékk fyrir þann reiðilestur þriggja leikja bann í keppninni sem hann situr af sér í fyrstu leikjum riðlakeppninnar. Nauðgunarkæran á hendur Neymar hefur verið látin niður falla og búið er að leysa úr ágreningi hans við skattayfirvöld á Spáni með sektargreiðslu hans. Nú er spurningin hvort Neymar nái að vinna stuðningsmenn PSG á sitt band eftir því sem líður á leiktíðina. Stuðningsmenn liðsins eru orðnir vanir velgengni heima fyrir eftir mikla sigurgöngu þar síðasta áratuginn tæpan þar sem liðið hefur orðið franskur meistari sex sinnum og jafn oft bikarmeistari. Eigendur liðsins og stuðningsmenn þess vilja hins vegar sjá liðið gera betur í Meistaradeild Evrópu en síðustu ár. Takist Neymar að gera gæfumuninn þegar hann er búinn að sitja af sér leikbannið í Meistaradeildinni er líklegt að baulið muni umbreytast í sigurhróp þegar það fer að vora á næsta ári. Annars þarf hann að gera meira inni á vellinum og sýna frekari merki um tryggð sína og hollustu við félagið til þess að breyta stemningunni hjá stuðningsmönnunum. Birtist í Fréttablaðinu Franski boltinn Mest lesið Aðalsteinsdóttir nafnið á nýrri æfingu Sport Reiður Einar hellti sér yfir eftirlitsdómarana Handbolti Metamfetamín fannst í báðum sýnum markmannsins Handbolti Kalla eftir því að brjóstahaldararnir séu teknir alvarlega Sport Fékk hrós frá Klopp: Vingjarnlegasti maður sem ég hef hitt Enski boltinn Di María ákveðinn að snúa ekki aftur heim eftir morðhótanir Fótbolti „Of mörg tilfelli sem hafa komið upp“ Körfubolti „Eru að gefa fólki pening sem á þegar pening“ Sport Rúnar Már fann neistann Íslenski boltinn Mikil spenna fyrir Bakgarðshlaupinu um helgina Sport Fleiri fréttir Í beinni: Breiðablik - FH | Heldur fullkomin byrjun Blika áfram? Í beinni: Stjarnan - Tindastóll | Stólarnir í leit að marki Klopp ósáttur við álagið: „Hádegisleikir eru glæpur“ Sveindís mætt aftur í leikmannahóp Wolfsburg eftir meiðsli FH-ingar kynna besta lið sögunnar Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Stórleikur á Samsung-vellinum og meistararnir fara í Mosó Rúnar Már fann neistann Ánægjulegar myndir af Cecilíu Rán Börn Maradona vilja flytja jarðneskar leifar hans Eftirminnileg Skotlandsferð FC Sækó: Spiluðu við Celtic og heimsóttu Hampden Park Di María ákveðinn að snúa ekki aftur heim eftir morðhótanir Tonali braut veðmálareglur fimmtíu sinnum eftir komuna til Newcastle Fiorentina og Olympiacos í kjörstöðu eftir mikla markaleiki „Við áttum slæman dag og þær góðan dag“ Uppgjörið og viðtöl: Fylkir - Keflavík 4-2 | Nýliðarnir nældu í sigur og eru enn ósigraðir Leverkusen lætur ekki undan og lagði Roma á útivelli Möguleikar Tottenham á Meistaradeildarsæti að fjara út „Ég vil vera þarna uppi að berjast um flest mörk“ „Held að Katla mín fyrirgefi mér þetta alveg“ Uppgjörið og viðtöl: Þór/KA - Þróttur 2-1 | Sandra María algjörlega óstöðvandi Uppgjör: Valur - Víkingur 7-2 | Sýning hjá Amöndu og Nadía skoraði í stórsigri Valskvenna Sjáðu mark Füllkrugs sem kom Dortmund í bílstjórasætið „Þið eruð lið fullt af feitabollum“ Besta upphitunin: „Finn ekki fyrir pressunni“ Tekur fyrir að starfsfólk Manchester United vinni að heiman Skúrkurinn endaði sem hetjan Drakk átta bjóra fyrir beina útsendingu Dortmund tók aukasætið sem ensku liðin dreymdi um Sjá meira
Sóknarmaðurinn umdeildi, Neymar, fór ekki í neinar felur með það eftir að síðasta keppnistímabili lauk að hann þráði það heitt að komast burt frá franska stórveldinu PSG. Barcelona reyndi allt sem í þeirra valdi stóð til þess að sækja stórstjörnuna aftur til Katalóníu en eftir langar og strangar samningaviðræður varð niðurstaðan sú að Neymar yrði um kyrrt hjá PSG. Eftir að í ljós kom að Barcelona myndi ekki klófesta framherjann ákvað Neymar að fara í hart við spænska stórveldið og krafðist þess að Barcelona myndi greiða sér bónus sem hann taldi sig eiga inni hjá félaginu. Forráðamenn Barcelona telja hins vegar að eftir að Neymar yfirgaf félagið og gekk til liðs við PSG hafi ákvæði samningsins við Brasilíumanninn um bónusgreiðsluna fallið úr gildi. Málið verður útkljáð í réttarsal. Stuðningsmenn PSG voru eðlilega ekki sáttir við framgöngu Neymar og þankagang hans í garð félagsins og hafa baulað á hann í fyrstu leikjum hans með liðinu á tímabilinu. Neymar skoraði sigurmark PSG í 1-0 sigri gegn Bordeaux um helgina. Nú er svo komið að Neymar hefur tryggt PSG sigur í síðustu þremur deildarsigrum liðsins. Telur að ástríðan muni líta dagsins ljós á nýjan leik Hann kom meiddur til liðs við leikmannahóp PSG eftir sumarfrí og var fjarri góðu gamni í fyrstu leikjum liðsins. Neymar hefur svo skorað þrjú mörk í þeim fjórum leikjum sem hann hefur spilað eftir að hann hristi af sér meiðslin. Þrátt fyrir að Neymar hafi tryggt PSG níu af þeim átján liðum sem liðið hefur innbyrt virðast stuðningsmenn Parísarliðsins ekki hafa fyrirgefið honum og halda áfram að baula. „Ég er hérna staddur til þess að aðstoða PSG eins mikið og ég get. Ég er í vinnu sem íþróttamaður hjá félaginu og mun gefa allt sem ég á til þess að PSG fari með sigur af hólmi í þeim leikjum sem ég spila fyrir félagið. Við getum vonandi fagnað saman og lyft bikurum í lok tímabilsins. Þetta er eins og samband með kærustu sem þú ert ekki í samskiptum við í einhvern tíma. Síðan kemur ástríðan aftur og allt verður eðlilegt á ný,“ segir Neymar í samtali við L'Équipe um samband sitt við stuðningsmenn PSG eftir sigurleikinn gegn Bordeaux um helgina. Mörk og sigrar í Meistaradeild Evrópu gætu lagað stöðuna Athyglin hefur verið mikl á lífi Neymar utan vallar síðustu ár. Hann hefur líkt og fleiri launaháir leikmenn lent í stappi við spænsk skattayfirvöld, hann var kærður fyrir nauðgun fyrr á þessu ári og þá hefur leikstíll hans farið verulega á taugarnar á andstæðingum hans. Eftir að PSG féll úr leik í Meistaradeild Evrópu fyrir Manchester United í 16 liða úrslitum keppninnar síðasta vor jós hann svo úr skálum reiði sinnar og fékk fyrir þann reiðilestur þriggja leikja bann í keppninni sem hann situr af sér í fyrstu leikjum riðlakeppninnar. Nauðgunarkæran á hendur Neymar hefur verið látin niður falla og búið er að leysa úr ágreningi hans við skattayfirvöld á Spáni með sektargreiðslu hans. Nú er spurningin hvort Neymar nái að vinna stuðningsmenn PSG á sitt band eftir því sem líður á leiktíðina. Stuðningsmenn liðsins eru orðnir vanir velgengni heima fyrir eftir mikla sigurgöngu þar síðasta áratuginn tæpan þar sem liðið hefur orðið franskur meistari sex sinnum og jafn oft bikarmeistari. Eigendur liðsins og stuðningsmenn þess vilja hins vegar sjá liðið gera betur í Meistaradeild Evrópu en síðustu ár. Takist Neymar að gera gæfumuninn þegar hann er búinn að sitja af sér leikbannið í Meistaradeildinni er líklegt að baulið muni umbreytast í sigurhróp þegar það fer að vora á næsta ári. Annars þarf hann að gera meira inni á vellinum og sýna frekari merki um tryggð sína og hollustu við félagið til þess að breyta stemningunni hjá stuðningsmönnunum.
Birtist í Fréttablaðinu Franski boltinn Mest lesið Aðalsteinsdóttir nafnið á nýrri æfingu Sport Reiður Einar hellti sér yfir eftirlitsdómarana Handbolti Metamfetamín fannst í báðum sýnum markmannsins Handbolti Kalla eftir því að brjóstahaldararnir séu teknir alvarlega Sport Fékk hrós frá Klopp: Vingjarnlegasti maður sem ég hef hitt Enski boltinn Di María ákveðinn að snúa ekki aftur heim eftir morðhótanir Fótbolti „Of mörg tilfelli sem hafa komið upp“ Körfubolti „Eru að gefa fólki pening sem á þegar pening“ Sport Rúnar Már fann neistann Íslenski boltinn Mikil spenna fyrir Bakgarðshlaupinu um helgina Sport Fleiri fréttir Í beinni: Breiðablik - FH | Heldur fullkomin byrjun Blika áfram? Í beinni: Stjarnan - Tindastóll | Stólarnir í leit að marki Klopp ósáttur við álagið: „Hádegisleikir eru glæpur“ Sveindís mætt aftur í leikmannahóp Wolfsburg eftir meiðsli FH-ingar kynna besta lið sögunnar Ten Hag vildi fá Kane í sumar: „Þú veist að hann skorar þrjátíu mörk“ Fékk hrós frá Klopp: Vingjarnlegasti maður sem ég hef hitt Stórleikur á Samsung-vellinum og meistararnir fara í Mosó Rúnar Már fann neistann Ánægjulegar myndir af Cecilíu Rán Börn Maradona vilja flytja jarðneskar leifar hans Eftirminnileg Skotlandsferð FC Sækó: Spiluðu við Celtic og heimsóttu Hampden Park Di María ákveðinn að snúa ekki aftur heim eftir morðhótanir Tonali braut veðmálareglur fimmtíu sinnum eftir komuna til Newcastle Fiorentina og Olympiacos í kjörstöðu eftir mikla markaleiki „Við áttum slæman dag og þær góðan dag“ Uppgjörið og viðtöl: Fylkir - Keflavík 4-2 | Nýliðarnir nældu í sigur og eru enn ósigraðir Leverkusen lætur ekki undan og lagði Roma á útivelli Möguleikar Tottenham á Meistaradeildarsæti að fjara út „Ég vil vera þarna uppi að berjast um flest mörk“ „Held að Katla mín fyrirgefi mér þetta alveg“ Uppgjörið og viðtöl: Þór/KA - Þróttur 2-1 | Sandra María algjörlega óstöðvandi Uppgjör: Valur - Víkingur 7-2 | Sýning hjá Amöndu og Nadía skoraði í stórsigri Valskvenna Sjáðu mark Füllkrugs sem kom Dortmund í bílstjórasætið „Þið eruð lið fullt af feitabollum“ Besta upphitunin: „Finn ekki fyrir pressunni“ Tekur fyrir að starfsfólk Manchester United vinni að heiman Skúrkurinn endaði sem hetjan Drakk átta bjóra fyrir beina útsendingu Dortmund tók aukasætið sem ensku liðin dreymdi um Sjá meira