Menning

Fyrsti bókmenntatextinn í borgarlandslagið

Gunnþóra Gunnarsdóttir skrifar
Vilborg fékk blóm úr hendi borgarstjórans.
Vilborg fékk blóm úr hendi borgarstjórans. Fréttablaðið/Ernir

Falleg athöfn átti sér stað á nýju torgi við gömlu steinbryggjuna á horni Pósthússtrætis og Tryggvagötu í gær. Þá afhjúpaði Dagur B. Eggertsson borgarstjóri ljóðlínur eftir Vilborgu Dagbjartsdóttur skáld, letraðar í stein, að henni viðstaddri og mörgum fleirum. Línurnar eru úr ljóðinu Vetur.

Þegar slokknaði á morgunstjörnunni
varð máninn kyrr.
Sólin veifaði
skýjaslæðu
til hans
yfir fjallið
sem gleymdi að taka ofan
nátthúfuna

Dagur mælti falleg orð til Vilborgar og gat þess að hann væri afar ánægður með að fyrsti bókmenntatextinn sem greyptur væri í borgarlandslagið væri eftir hana, enda næði hún að fanga náttúru borgarinnar á einstakan hátt. Giskaði líka á að margir gamlir nemendur hennar úr Austurbæjarskóla ættu eftir að gera sér ferð á torgið. Skáldin Sunna Dís Másdóttir og Gerður Kristný lýstu upp stundina með ljóðalestri.

Á Steinbryggju geta vegfarendur sest á skáldabekk, skannað rafrænan kóða með snjallsíma og hlustað á Vilborgu sjálfa fara með ljóðið Vetur.


Tengdar fréttir

Geðheilsa er líka heilsa

Klúbburinn Geysir, sem aukið hefur lífsgæði og réttindi margra sem glíma við geðsjúkdóma, á sér 20 ára sögu. Upp á það er haldið á Hard Rock í dag með pomp og prakt.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.