Körfubolti

Öruggt hjá Spáni og Argentínu sem hafa unnið alla leiki sína á HM

Ricky Rubio var stigahæstur hjá Spáni gegn Serbíu.
Ricky Rubio var stigahæstur hjá Spáni gegn Serbíu. vísir/getty

Spánn tryggði sér sigur í milliriðli J á HM í körfubolta með sigri á Serbíu, 81-69, í dag. Þetta var fyrsta tap Serba á HM en Spánverjar hafa unnið alla sína leiki.

Serbía byrjaði leikinn betur og var sjö stigum yfir, 13-20, eftir 1. leikhluta.

Spánn náði yfirhöndinni í 2. leikhluta og í hálfleik leiddu Spánverjar með átta stigum, 45-37. Á endanum munaði svo tólf stigum á liðunum, 81-69.

Ricky Rubio var stigahæstur Spánverja með 19 stig. Victor Claver skoraði 14 stig og tók sjö fráköst. Bogdan Bogdanovic var langbesti leikmaður Serba. Hann skoraði 26 stig, tók tíu fráköst og gaf sex stoðsendingar.

Argentína vann öruggan sigur á Póllandi, 65-91, í milliriðli I. Argentínumenn hafa unnið alla leiki sína á HM.

Luís Scola skoraði 21 stig fyrir Argentínu. A.J. Slaughter gerði 16 stig fyrir Pólland. Bæði lið eru komin áfram í 8-liða úrslit.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.