Fótbolti

Draumabyrjun Alberts og félaga

Ingvi Þór Sæmundsson skrifar
Albert er á sínu öðru tímabili hjá AZ.
Albert er á sínu öðru tímabili hjá AZ. vísir/getty
Albert Guðmundsson lék síðustu ellefu mínúturnar þegar AZ Alkmaar bar sigurorð af Waalwijk, 0-2, í 2. umferð hollensku úrvalsdeildarinnar í dag.

AZ er á toppi deildarinnar með sex stig af sex mögulegum og markatöluna 6-0.

Albert var í banni í 1. umferðinni þegar AZ vann 4-0 sigur á Sittard.

Hann byrjaði á bekknum í dag en kom inn á 79. mínútu fyrir Norðmanninn Fredrik Midtsjø.



Oussama Idrissi skoraði bæði mörk AZ í fyrri hálfleik eftir sendingar frá hinum 18 ára Myron Boadu.

Næsti leikur Alberts og félaga er gegn Mariupol í forkeppni Evrópudeildarinnar á fimmtudaginn.

Fótbolti

Mest lesið


Fleiri fréttir

Sjá meira


×

Mest lesið