Íslenski boltinn

Alfreð: Þetta er komið til að vera á Selfossi

Ingvi Þór Sæmundsson skrifar
Alfreð (lengst til hægri) fylgist með Mjólkurbikarnum fara á loft.
Alfreð (lengst til hægri) fylgist með Mjólkurbikarnum fara á loft. vísir/daníel

„Mér líður yndislega. Þetta var þvílíkt erfiður leikur. En formið skilaði sér,“ sagði Alfreð Elías Jóhannsson, þjálfari Selfoss, eftir sigurinn á KR, 2-1, í úrslitaleik Mjólkurbikars kvenna í kvöld.

Hann sagði frammistöðu Selfyssinga í leiknum ekki hafa verið góða. En liðið hafi sýnt seiglu og karakter.

„Við spiluðum ekkert sérstaklega vel. Taugarnar voru þandar til hins ítrasta. En það er ekki spurt að því. Við unnum og ég er ógeðslega ánægður.“

Hvaða þýðingu hefur það fyrir Selfoss að vera búinn að vinna fyrsta stóra titilinn í fótbolta?

„Strákarnir í handboltanum byrjuðu á þessu í vor og núna tókum við þetta. Og þetta er komið til að vera á Selfossi. Selfyssingar eiga að vera stoltir af því sem þeir eru með sem er dugnaður, eljusemi og kraftur. Það skilar svona,“ sagði Alfreð að endingu.

Klippa: Viðtal við Alfreð Elías




Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.