Vonandi lyftistöng fyrir landsliðið Kristinn Páll Teitsson skrifar 8. ágúst 2019 19:00 Silvía Björgvinsdóttir skorar eitt af átta mörkum sínum fyrir Ísland í annarri deild á HM í íshokkíi á Spáni síðasta vor. Mynd/IIHF/Razvan Pasarica Íslenska kvennalandsliðið í íshokkí mun eiga fimm fulltrúa í sænsku 1. deildinni í íshokkí á næsta ári. Fjórir leikmenn koma beint frá Skautafélagi Akureyrar en Herborg Rut Geirsdóttir kemur frá Noregi eftir að hafa leikið í efstu deild þar í landi. Herborg samdi við HE 71 í úrvalsdeildinni en mun leika með Sögu Blöndal hjá Troja Ljungby í vetur á láni í næstefstu deild, Silvía og Sunna Björgvinsdætur sem eru þó ekki skyldar munu leika með Södertälje og Ragnhildur Kjartansdóttir mun leika með Färjestad BK. Jón Benedikt Gíslason, þjálfari kvennalandsliðsins, tekur því fagnandi að sjá leikmenn íslenska landsliðsins fara utan og spila þar. „Þetta er eitthvað sem við hjá landsliðinu þurftum á að halda, að leikmenn fari utan og fái meiri reynslu. Þarna spila þær á hærra stigi og geta tekið miklum framförum. Þarna er líka meiri möguleiki á að tekið verði eftir því hvað þær eru að gera og tækifæri opnast á að fara enn lengra og jafnvel í atvinnumennsku. Þetta er góður staður til að sýna sig og sanna,“ segir Jón Gísli um tækifæri leikmanna sinna. Áhuginn á íshokkí er mikill í Svíþjóð og hefur sænska kvennalandsliðið yfirleitt verið í fremstu röð. „Efsta deildin í Svíþjóð er sú sterkasta í Evrópu, það jaðrar við að hún sé atvinnumannadeild og það eru atvinnumenn í öllum liðum. Bestu leikmennirnir frá Evrópu eru í Svíþjóð og nokkrar frá Ameríku.“ Íslenska liðið fékk bronsverðlaunin í riðli Íslands á HM. MYND/ÍHÍ/MAGNÚS Saga, Silvía, Sunna og Ragnhildur vöktu athygli í æfingaferðum til Svíþjóðar, bæði með Skautafélagi Akureyrar og íslenska landsliðinu. „Þetta byrjaði allt í æfingaferð SA til Svíþjóðar, þar vöktu stelpurnar athygli þjálfara sænsku liðanna því þær voru að yfirspila andstæðinga sína. Seinna komu þær aftur í æfingaferð með landsliðinu og mættu liði sem innihélt sænska landsliðskonu og aftur voru þær að yfirspila andstæðinga sína.“ Allar fjórar eru ungar að aldri, Silvía er elst, rétt rúmlega tvítug, en Saga verður sextán ára síðar á árinu. „Auðvitað vonast maður til þess að þær nái allar að komast fljótlega í stórt hlutverk hjá sínum liðum og verði fljótlega orðnar meðal bestu leikmanna deildarinnar. Það opnar möguleikana á að komast upp í efstu deildina,“ segir Jón Gísli og tekur undir að þetta muni jafnvel gera það að verkum að fleiri íslenskir leikmenn fari út til Svíþjóðar. „Á sama tíma eru þær að opna glugga fyrir fleiri íslenskar stelpur til að fara út og leika erlendis ef þessar stelpur standa sig vel í Svíþjóð. Það eru margar efnilegar stelpur á Íslandi sem eru að bíða eftir tækifærum.“ Íslenska kvennalandsliðið leikur í annarri deild á HM í vetur og fer riðill Íslands fram á Akureyri. Síðast þegar mótið fór fram á Íslandi lenti íslenska liðið í fjórða sæti í riðlinum en hefur undanfarin tvö ár fengið bronsið í riðli Íslands. „Vonandi verður þetta lyftistöng fyrir landsliðið og kemur okkur á næsta stig þegar við verðum með leikmenn erlendis. Þær fá reynslu sem mun nýtast okkur með landsliðinu. Getan er til staðar hjá liðinu en skortur á reynslu hefur verið okkar Akkilesarhæll,“ segir Jón Gísli aðspurður út í næsta verkefni landsliðsins. „Síðast vorum við með mjög ungt lið þar sem það vantaði nokkra af reynslumeiri leikmönnum liðsins. Þá þurftu stúlkur undir tvítugu að bera uppi sóknarleikinn sem var mikið á þær lagt en nú fá þær að kynnast því erlendis í leikjum sem var ekki í boði hér á Íslandi síðustu ár. Það eru of margir leikir hér heima sem eru ójafnir en erlendis þarftu alltaf að vera upp á þitt besta í öllum leikjum.“ Birtist í Fréttablaðinu Íshokkí Íþróttir Mest lesið Með Man. Utd til Spánar en mega samt ekki spila Enski boltinn Vilja að Arna elti stóru systur: „Þær eru svakalegir íþróttamenn“ Íslenski boltinn Forseti ÍSÍ fær laun og framboðin aldrei verið fleiri Sport Sá besti íhugaði að hætta: Þeir litu öðruvísi á mig Sport Chelsea meistari sjötta árið í röð Enski boltinn Allt jafnt eftir ótrúlega sýningu í Barcelona Fótbolti Dagskráin: Glódís í úrslitaleik, United á Spáni og einvígið hefst á Ásvöllum Sport Ronaldo klúðraði í lokin og eyðimerkurgangan heldur áfram Fótbolti Orri sá farmiðann til Kölnar enda í tætaranum Handbolti Rodri aftur til æfinga en sagður bíða eftir HM Enski boltinn Fleiri fréttir Forseti ÍSÍ fær laun og framboðin aldrei verið fleiri Dagskráin: Glódís í úrslitaleik, United á Spáni og einvígið hefst á Ásvöllum Vilja að Arna elti stóru systur: „Þær eru svakalegir íþróttamenn“ Sá besti íhugaði að hætta: Þeir litu öðruvísi á mig Með Man. Utd til Spánar en mega samt ekki spila Chelsea meistari sjötta árið í röð Orri sá farmiðann til Kölnar enda í tætaranum Rodri aftur til æfinga en sagður bíða eftir HM Ronaldo klúðraði í lokin og eyðimerkurgangan heldur áfram Martin að ná í úrslitakeppnina eftir allt saman? Allt jafnt eftir ótrúlega sýningu í Barcelona Sjáðu sjálfsmarkið sem skipti sköpum og fyrstu mörk Lífar Annað skiptið í röð sem leikmaður San Antonio er valinn nýliði ársins Sádar eltast við þrjá framherja Liverpool Gunnlaugur keppir á besta áhugamannamóti heims Fylki og Keflavík spáð sigri í Lengjudeildunum „Ætlum að gera eitthvað einstakt í París“ Stokke í raðir Aftureldingar Bikarvörnin hefst gegn Fram Ten Hag líklegur til að taka við af Alonso Fékk sex leikja bann fyrir æðiskastið Lífsferill íþróttamannsins: Vandinn við að mæla börn „Held að Víkingar hafi keypt rangan framherja úr HK“ Luka borgar fyrir viðgerðir á minnismerki um Kobe Sjáðu markið sem kom PSG í bílstjórasætið gegn Arsenal Bjarki um gjaldþrotið: „Þú ert niðurlægður á ákveðinn hátt“ Slapp vel frá rafmagnsleysinu ITV styður Ian Wright og gæti losað sig við Eni Aluko Gagnrýnir HSÍ harðlega: „Enginn metnaður til að gera betur“ Pabbi Haliburtons ögraði Giannis: „Mikil vanvirðing“ Sjá meira
Íslenska kvennalandsliðið í íshokkí mun eiga fimm fulltrúa í sænsku 1. deildinni í íshokkí á næsta ári. Fjórir leikmenn koma beint frá Skautafélagi Akureyrar en Herborg Rut Geirsdóttir kemur frá Noregi eftir að hafa leikið í efstu deild þar í landi. Herborg samdi við HE 71 í úrvalsdeildinni en mun leika með Sögu Blöndal hjá Troja Ljungby í vetur á láni í næstefstu deild, Silvía og Sunna Björgvinsdætur sem eru þó ekki skyldar munu leika með Södertälje og Ragnhildur Kjartansdóttir mun leika með Färjestad BK. Jón Benedikt Gíslason, þjálfari kvennalandsliðsins, tekur því fagnandi að sjá leikmenn íslenska landsliðsins fara utan og spila þar. „Þetta er eitthvað sem við hjá landsliðinu þurftum á að halda, að leikmenn fari utan og fái meiri reynslu. Þarna spila þær á hærra stigi og geta tekið miklum framförum. Þarna er líka meiri möguleiki á að tekið verði eftir því hvað þær eru að gera og tækifæri opnast á að fara enn lengra og jafnvel í atvinnumennsku. Þetta er góður staður til að sýna sig og sanna,“ segir Jón Gísli um tækifæri leikmanna sinna. Áhuginn á íshokkí er mikill í Svíþjóð og hefur sænska kvennalandsliðið yfirleitt verið í fremstu röð. „Efsta deildin í Svíþjóð er sú sterkasta í Evrópu, það jaðrar við að hún sé atvinnumannadeild og það eru atvinnumenn í öllum liðum. Bestu leikmennirnir frá Evrópu eru í Svíþjóð og nokkrar frá Ameríku.“ Íslenska liðið fékk bronsverðlaunin í riðli Íslands á HM. MYND/ÍHÍ/MAGNÚS Saga, Silvía, Sunna og Ragnhildur vöktu athygli í æfingaferðum til Svíþjóðar, bæði með Skautafélagi Akureyrar og íslenska landsliðinu. „Þetta byrjaði allt í æfingaferð SA til Svíþjóðar, þar vöktu stelpurnar athygli þjálfara sænsku liðanna því þær voru að yfirspila andstæðinga sína. Seinna komu þær aftur í æfingaferð með landsliðinu og mættu liði sem innihélt sænska landsliðskonu og aftur voru þær að yfirspila andstæðinga sína.“ Allar fjórar eru ungar að aldri, Silvía er elst, rétt rúmlega tvítug, en Saga verður sextán ára síðar á árinu. „Auðvitað vonast maður til þess að þær nái allar að komast fljótlega í stórt hlutverk hjá sínum liðum og verði fljótlega orðnar meðal bestu leikmanna deildarinnar. Það opnar möguleikana á að komast upp í efstu deildina,“ segir Jón Gísli og tekur undir að þetta muni jafnvel gera það að verkum að fleiri íslenskir leikmenn fari út til Svíþjóðar. „Á sama tíma eru þær að opna glugga fyrir fleiri íslenskar stelpur til að fara út og leika erlendis ef þessar stelpur standa sig vel í Svíþjóð. Það eru margar efnilegar stelpur á Íslandi sem eru að bíða eftir tækifærum.“ Íslenska kvennalandsliðið leikur í annarri deild á HM í vetur og fer riðill Íslands fram á Akureyri. Síðast þegar mótið fór fram á Íslandi lenti íslenska liðið í fjórða sæti í riðlinum en hefur undanfarin tvö ár fengið bronsið í riðli Íslands. „Vonandi verður þetta lyftistöng fyrir landsliðið og kemur okkur á næsta stig þegar við verðum með leikmenn erlendis. Þær fá reynslu sem mun nýtast okkur með landsliðinu. Getan er til staðar hjá liðinu en skortur á reynslu hefur verið okkar Akkilesarhæll,“ segir Jón Gísli aðspurður út í næsta verkefni landsliðsins. „Síðast vorum við með mjög ungt lið þar sem það vantaði nokkra af reynslumeiri leikmönnum liðsins. Þá þurftu stúlkur undir tvítugu að bera uppi sóknarleikinn sem var mikið á þær lagt en nú fá þær að kynnast því erlendis í leikjum sem var ekki í boði hér á Íslandi síðustu ár. Það eru of margir leikir hér heima sem eru ójafnir en erlendis þarftu alltaf að vera upp á þitt besta í öllum leikjum.“
Birtist í Fréttablaðinu Íshokkí Íþróttir Mest lesið Með Man. Utd til Spánar en mega samt ekki spila Enski boltinn Vilja að Arna elti stóru systur: „Þær eru svakalegir íþróttamenn“ Íslenski boltinn Forseti ÍSÍ fær laun og framboðin aldrei verið fleiri Sport Sá besti íhugaði að hætta: Þeir litu öðruvísi á mig Sport Chelsea meistari sjötta árið í röð Enski boltinn Allt jafnt eftir ótrúlega sýningu í Barcelona Fótbolti Dagskráin: Glódís í úrslitaleik, United á Spáni og einvígið hefst á Ásvöllum Sport Ronaldo klúðraði í lokin og eyðimerkurgangan heldur áfram Fótbolti Orri sá farmiðann til Kölnar enda í tætaranum Handbolti Rodri aftur til æfinga en sagður bíða eftir HM Enski boltinn Fleiri fréttir Forseti ÍSÍ fær laun og framboðin aldrei verið fleiri Dagskráin: Glódís í úrslitaleik, United á Spáni og einvígið hefst á Ásvöllum Vilja að Arna elti stóru systur: „Þær eru svakalegir íþróttamenn“ Sá besti íhugaði að hætta: Þeir litu öðruvísi á mig Með Man. Utd til Spánar en mega samt ekki spila Chelsea meistari sjötta árið í röð Orri sá farmiðann til Kölnar enda í tætaranum Rodri aftur til æfinga en sagður bíða eftir HM Ronaldo klúðraði í lokin og eyðimerkurgangan heldur áfram Martin að ná í úrslitakeppnina eftir allt saman? Allt jafnt eftir ótrúlega sýningu í Barcelona Sjáðu sjálfsmarkið sem skipti sköpum og fyrstu mörk Lífar Annað skiptið í röð sem leikmaður San Antonio er valinn nýliði ársins Sádar eltast við þrjá framherja Liverpool Gunnlaugur keppir á besta áhugamannamóti heims Fylki og Keflavík spáð sigri í Lengjudeildunum „Ætlum að gera eitthvað einstakt í París“ Stokke í raðir Aftureldingar Bikarvörnin hefst gegn Fram Ten Hag líklegur til að taka við af Alonso Fékk sex leikja bann fyrir æðiskastið Lífsferill íþróttamannsins: Vandinn við að mæla börn „Held að Víkingar hafi keypt rangan framherja úr HK“ Luka borgar fyrir viðgerðir á minnismerki um Kobe Sjáðu markið sem kom PSG í bílstjórasætið gegn Arsenal Bjarki um gjaldþrotið: „Þú ert niðurlægður á ákveðinn hátt“ Slapp vel frá rafmagnsleysinu ITV styður Ian Wright og gæti losað sig við Eni Aluko Gagnrýnir HSÍ harðlega: „Enginn metnaður til að gera betur“ Pabbi Haliburtons ögraði Giannis: „Mikil vanvirðing“ Sjá meira