Lífið kynningar

Frumkvöðlar í íslenskri tónlist verða til

Icelandic Startups
Melkorka Sigríður Magnúsdóttir er verkefnastjóri hjá Icelandic Startups.
Melkorka Sigríður Magnúsdóttir er verkefnastjóri hjá Icelandic Startups. Marino Thorlacius

Firestarter - Reykjavik Music Accelerator, er nýr viðskiptahraðall á vegum Icelandic Startups sem ætlað er að efla íslenskt tónlistarlíf. Hraðallinn hefst þann 10. Október og stendur yfir í fjórar vikur.

Icelandic Startups hefur á undanförnum árum stýrt viðskiptahröðlum tengdum helstu atvinnugreinum landsins og nú er komið að tónlistinni. Melkorka Sigríður Magnúsdóttir er verkefnastjóri hjá Icelandic Startups.  

„Við höfum keyrt ýmiskonar viðskiptahraðla með góðum árangri, meðal annars út frá orku, ferðaþjónustu, tækni, landbúnaði og sjávarútvegi. Hraðall snýst um að hraða ferlinu frá hugmynd að fullbúinni vöru og það gerum við með því að tengja þátttakendur við leiðandi sérfræðinga í viðkomandi fagi, fjárfesta og ólíka aðila úr atvinnulífinu sem geta stutt fyrirtækin,“ útskýrir Melkorka.

Tónlistarborgin Reykjavík, ÚTÓN, Samtónn, Sena Live og  Atvinnuvega- og nýsköpunarráðuneytið standa að Firestarter ásamt Icelandic Startups. Þá mun lokahnykkur Firestarter hraðalsins fara fram á Iceland Airwaves.

„Við erum afar spennt yfir að hafa fengið Iceland Airwaves til liðs við hraðalinn en þau verkefni sem taka þátt verða kynnt á ráðstefnuhluta hátíðarinnar.

Lokahnykkur Firestarter fer fram á ráðstefnuhluta tónlistarhátíðarinnar Iceland Airwaves Iceland Airwaves

Við munum einblína á umgjörð tónlistarsenunnar frekar en á tónlistarmennina sjálfa í þessum hraðli og leitum að aðilum sem vinna í tónlistargeiranum eins og bókurum, umboðsmönnum, forleggjurum og þeim sem vinna að því að styrkja tónlistarsenuna á einn eða anna hátt. Hér er mikil gróska í tónlistarlífinu og við eigum frábært fólk en umgjörðina hefur stundum skort og það er erfitt að koma fyrirtæki á koppinn. Slíkt getur tekið mörg ár en okkur langar að hjálpa til og flýta þessu ferli. Við erum líka að leita að frumkvöðlum sem vinna að tæknilausnum enda hefur sú þróun verið hröð í tónlistargeiranum. Við þurfum að halda í við tæknina til að vera samkeppnishæf og þar spilar nýsköpun lykilhlutverk,“ útskýrir Melkorka.

Hvað er innifalið í hraðlinum?

„Fimm til sjö teymi verða valin og er þátttaka ókeypis. Fyrir utan aðgang að ýmsum viðburðum og athygli fá teymin aðgang að fjórum hnitmiðuðum vinnusmiðjum. Þau fá jafnframt fundi með sérfæðingum úr tónlistarheiminum og úr viðskiptaheiminum sem veita ráðgjöf. Meðal þeirra sem munu veita þátttakendum ráðgjöf eru tónlistarmennirnir Ólafur Arnalds, Einar Örn Benediktsson og Georg Hólm. Þá munu frumkvöðlarnir Margrét Júlíana, stofnandi Mussila sem er tónlistartölvuleikur fyrir börn og Guðmundur Hafsteinsson sem starfaði mörg ár hjá Google, einnig vera meðal ráðgjafa. Á lokadegi hraðalsins kynna þátttakendur svo viðskiptahugmyndir sínar fyrir fullum sal gesta.“

Allar nánari upplýsingar um verkefnið má finna á www.firestarter.is. Sækja þarf um fyrir 30. ágúst en hraðallinn hefst 10. október og lýkur 8. nóvember.

Þessi kynning er unnin í samstarfi við Firestarter - Reykjavik Music Accelerator.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.