Lentu í ævintýrum á leið á EM: Aukanótt í Amsterdam

Íslenska átján ára landsliðið í körfubolta hefur í dag leik á Evrópumótinu en liðið leikur í b-deildinni sem fer fram í borginni Oradea í Rúmeníu.

Íslensku strákarnir lentu í miklum ævintýrum á leið sinni til Rúmeníu. Vegna tafa á flugi frá Íslandi misstu þeir af tengiflugi sínu og dvöldu því aukanótt í Amsterdam í fyrradag.

Að auki voru öll flug í gær felld niður frá Amsterdam vegna bilunar á flugvellinum sem flækti málið en frekar þegar búið að var leysa upprunalega vandamálið.

KKÍ segir frá þessu í fréttatilkynningu um mótið en þar kemur líka fram að þetta bjargaðist á endanum eftir í dag með dyggri aðstoð Icelandair og Soffíu Helgadóttur, starfsmanns VITA, sem var ómetanleg í aðstoð við liðið í þessum raunum.

Í gær héldu þeir áfram til Rúmeníu eins og áður segir en mótið sjálft hefst svo á riðlakeppninni núna í dag, föstudag með fyrsta leik gegn Bosníu kl. 11:00 að íslenskum tíma. Ísland leikur í C-riðli með Bosníu, Ísrael, Lúxemborg, Tékklandi og Noregi. Eftir leiki í riðlinum taka svo við leikir í úrslitum og um sæti.

Liðið þurfti líka að kalla á nýjan aðstoðarþjálfara og nýjan leikmann í aðdraganda mótsins.

Í vetur var valinn 12 manna lið og varamenn einnig sem hafa hæft með liðinu. Skömmu fyrir brottför meiddist Ingimundur Orri Jóhannsson frá Stjörnunni og þurfti hann að þeim sökum að draga sig úr liðinu fyrir EM vegna meiðslanna en hann lék með liðinu á NM í Finnlandi í júní og kom Einar Þorsteinn Ólafsson frá Val inn í liðið í hans stað.

Þá kom Benedikt Guðmundsson einnig inn í teymið sem aðstoðarþjálfari þar sem Baldur Þór Ragnarsson, sem hefur verið aðstoðarþjálfari U18 drengja, er í verkefni með A-landsliði karla á næstu vikum.

U18 drengja:

Ástþór Atli Svalason · Valur

Benóný Svanur Sigurðsson · ÍR

Dúi Þór Jónsson · Stjarnan

Einar Þorsteinn Ólafsson · Valur

Friðrik Anton Jónsson · Stjarnan

Hilmir Hallgrímsson · Vestri

Hugi Hallgrímsson · Vestri

Júlíus Orri Ágústsson · Þór Akureyri

Styrmir Snær Þrastarson · Þór Þorlákshöfn

Sveinn Búi Birgisson · KR

Veigar Páll Alexandersson · Njarðvík

Þorvaldur Orri Árnason · KR

Þjálfari: Ingi Þór Steinþórsson

Aðstoðarþjálfarar: Benedikt Guðmundsson og Þórarinn Friðriksson

Sjúkraþjálfari: Stefán Magni Árnason