Innlent

Líðan stöðug eftir hnífstunguárás

Gunnar Reynir Valþórsson skrifar
Árásin átti sér stað á Neskaupstað í nótt.
Árásin átti sér stað á Neskaupstað í nótt. Vísir/Vilhelm

Einn er í haldi lögreglunnar á Austurlandi eftir hnífstungu í heimahúsi í Neskaupstað í nótt. Jónas Vilhelmsson yfirlögregluþjónn segir í samtali við fréttastofu að málið sé í rannsókn en sá sem varð fyrir árásinni var fluttur með flugi á Landspítalann í Reykjavík.

Þar gekst hann undir aðgerð og segist Jónas hafa fengið þær upplýsingar nú fyrir hádegið að líðan hans sé stöðug. Hann segir enn lítið vitað um málsatvik en tæknideild Lögreglunnar á höfuðborgarsvæðinu aðstoðar við rannsóknina.

Tekin verður ákvörðun um það síðar í dag hvort farið verði fram á gæsluvarðhald yfir hinum handtekna. Rokkhátíðin Eistnaflug hófst í bænum í gær og tekur Jónas fram að atvikið tengist hátíðinni ekki á nokkurn hátt. Þar hafi allt farið friðsamlega fram eins og venjulega.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.