Íslenski boltinn

Kjóstu um besta leikmann og besta mark júní í Pepsi Max deild kvenna

Ástrós Ýr Eggertsdóttir skrifar
Þessar þrjár þóttu bestar í júní
Þessar þrjár þóttu bestar í júní s2 sport

Pepsi Max mörk kvenna á Stöð 2 Sport hafa tilnefnt þá þrjá leikmenn og þau þrjú mörk sem koma til greina sem þau bestu í júnímánuði.

Verðlaunin fyrir leikmann mánaðarins eru af glæsilegri gerðinni og koma frá Selected, Sjoppunni, Moroccanoil og Icelandair. Verðlaunin fyrir besta mark mánaðarins er í boði Adidas.

Þeir leikmenn sem koma til greina eru Elín Metta Jensen og Dóra María Lárusdóttir hjá Val og Natasha Anasi hjá Keflavík.

Valur situr á toppi Pepsi Max deildar kvenna og hefur enn ekki tapað leik. Þær eru búnar að skora 33 mörk og þarf af á Elín Metta níu ásamt því að leggja upp fjöldan allan af mörkum.

Keflavík átti frábæran júnímánuð, vann KR 4-0 og Stjörnuna 5-0, og fór Natasha fyrir liði Keflavíkur.

Fallegustu mörk mánaðarins áttu Sophie Graff fyrir Keflavík gegn KR, Ásdís Karen Halldórsdóttir fyrir KR gegn Þór/KA á Akureyri og Berglind Björg Þorvaldsdóttir fyrir Breiðablik í toppslagnum við Val.

Það má sjá öll þessi þrjú mörk sem koma til greina í myndbandinu hér fyrir neðan.

Mörk júnímánaðar

Klippa: Bestu mörk júnímánaðar í Pepsi Max deild kvenna



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.