Toppliðin þrjú mæta breytt til leiks Hjörvar Ólafsson skrifar 19. júlí 2019 17:00 Belgíski sóknartengiliðurinn Eden Hazard er stærsta púslið í áætlunum Real Madrid undir stjórn Frakkans Zinidane Zidane sem á að færa liðið í fremstu röð á nýjan leik. Getty/ Helios de la Rubia Þrjú efstu lið spænsku efstu deildarinnar í knattspyrnu karla frá síðasta keppnistímabili mæta þó nokkuð breytt, sérstaklega Real Madrid, sem gekk í gegnum mikið vonbrigðatímabil í fyrra þar sem þriðja sætið í deildinni varð raunin og enginn bikar bættist í safnið. Barcelona sem er ríkjandi spænskur meistari sem og bikarmeistari hefur styrkt miðsvæðið hjá sér með hollenska miðvallarleikmanninum Frenkie de Jong og Antoine Griezmann á að hressa upp á sóknarleik liðsins. Þá hefur Neymar, sem unir ekki hag sínum hjá franska liðinu PSG, verið þráfaldlega orðaður við Katalóníufélagið. Sóknarlína Barcelona með þá Lionel Messi, Luis Suárez og núna Griezmann er ekki árennileg fyrir andstæðinga liðsins sem freista þess að velta liðinu af stalli á næstu leiktíð. Líklegt er talið að Philippe Coutinho eigi erfitt með að brjóta sér leið inn í byrjunarliðið og PSG, Manchester United og jafnvel endurkoma til Liverpool hafa verið nefnd til sögunnar sem mögulegir næstu áfangastaðir brasilíska sóknartengiliðsins.Mestar breytingar hafa orðið í herbúðum Atlético Madrid Atlético Madrid, sem hefur misst nokkra af lykilleikmönnum síðustu ára, ætlar portúgalska ungstirninu Joao Felix að fylla skarðið sem Griezmann skilur eftir sig. Þá fór spænski miðjumaðurinn Rodri til Manchester City, franski miðvörðurinn Lucas Hernandez til Bayern München og úrúgvæski varnarmaðurinn Diego Godin til Inter Milan. Þá seldi Diego Simeone argentínska framherjann Luciano Vietto til Sporting Lisbon og portúgalska vængmanninn Gelson Martins til Monaco til þess að efla fjárhirslu félagsins. Álvaro Morata, sem var á láni hjá liðinu seinni hluta síðustu leiktíðar, var keyptur fyrr í sumar. Serbneski framherjinn Ivan Saponjic og argentínski sóknarmaðurinn Nico Ibanez eru svo komnir til liðsins til þess að sjá um að sóknarleikur Atlético Madrid verði nægilega öflugur. Atlético hefur svo verið að bera víurnar í Kólumbíumanninn James Rodríguez sem er á mála hjá Real Madrid en hefur verið á láni hjá Bayern München síðustu þrjú keppnistímabil. Rodríguez gæti verið sniðug lausn til þess að vera tengiliður milli miðju og sóknar hjá liðinu sem vill beita skyndisóknum og sækja hratt á andstæðinga sína. Spænski miðvallarleikmaðurinn Marcos Llorente fær það verkefni að sinna því hlutverki sem Rodri sinnti hjá sveinum Simeone og Mexíkóinn Hector Herrera á einnig að bólstra miðsvæðið. Brasilíumennirnir Felipe og Renan Lodi og enski hægri bakvörðurinn Kieran Trippier hafa verið fengnir til þess að stoppa í götin sem urðu til í varnarlínu með sölum sumarsins.Nýtt hryggjarstykki mætt til leiks hjá særðu liði Real Madrid Það var nokkuð ljóst snemma í vor að Zinedine Zidane myndi fá það hlutverk að byggja upp nýtt lið hjá Real Madrid í sumar. Liðið lenti í þriðja sæti deildarinnar og var aldrei í alvöru baráttu við Barcelona um spænska meistaratitilinn og féll úr leik í 16 liða úrslitum Meistaradeildar Evrópu eftir að hafa unnið þá keppni undir stjórn Zidane síðustu þrjú árin þar á undan. Zidane byrjaði á því að tryggja sér þjónustu Edens Hazard og líklegt er að sóknarleikurinn eigi að byggjast í kringum Belgann snjalla. Real Madrid tókst ekki að sjá til þess að brotthvarf Cristiano Ronaldo gengi smurt fyrir sig síðasta vetur og nú fær Hazard það hlutverk að breyta því. Til þess að aðstoða Hazard við að bera uppi sóknarleikinn og Karim Benzema við að setja boltann yfir línuna var svo Serbinn Luka Jovic keyptur frá Eintracht Frankfurt. Jovic skoraði 25 mörk fyrir þýska liðið á síðasta tímabili en það er ólík pressan að standa sig í Frankfurt eða fyrir framan kröfuharða stuðningsmenn Real Madrid. Þá kom hinn ungi og efnilegi brasilíski unglingur Rodrygo frá Santos. Ferland Mendy sem kemur frá Lyon á að leysa Marcelo af hólmi og miðvörðurinn og djúpi miðjumaðurinn Eder Militao að styrkja míglekan varnarleik liðsins. Sex lykilleikmenn Real Madrid á síðustu leiktíð voru eldri en 30 ára gamlir og Toni Kroos kemst á fertugsaldurinn í janúar á næsta ári. Meðalaldurinn á leikmannakaupum Real Madrid í sumar er 22 ár og augljóst að stefnan er að fá ferska og góða fætur í kringum reynslumikla og hæfileikaríka leikmenn liðsins. Síðustu vikurnar hefur Paul Pogba svo verið nefndur til sögunnar sem síðasta púsl Zidane fyrir komandi keppnistímabil en svo virðist sem Ole Gunnar Solskjær og forráðamenn Manchester United séu ekki á þeim buxunum að hleypa honum úr herbúðum Manchester-liðsins. Birtist í Fréttablaðinu Spænski boltinn Mest lesið Einar Árni hættur hjá Hetti Körfubolti Dæmd í bann eftir að ljúga til um krabbamein til að sleppa við bann Sport Barnshafandi eftir langt ferli sem tók á andlega Íslenski boltinn Segir að Ten Hag sé búinn að vera Enski boltinn Losnar stjarna Aþenu úr frystiklefa Brynjars Karls? Körfubolti Forest vill hljóðupptöku dómaraherbergins frá leiknum gegn Everton Enski boltinn Viðar Örn: Stoltur af liðinu fyrir að skilja allt eftir á gólfinu Körfubolti „Erfitt að vinna þá þrisvar sinnum í röð“ Körfubolti „Karakter í mínum stelpum, þær gáfust aldrei upp“ Íslenski boltinn Aþena er komið í úrslitaeinvígi um sæti í Subway-deild kvenna Körfubolti Fleiri fréttir Barnshafandi eftir langt ferli sem tók á andlega Segir að Ten Hag sé búinn að vera Forest vill hljóðupptöku dómaraherbergins frá leiknum gegn Everton „Karakter í mínum stelpum, þær gáfust aldrei upp“ „Þetta fór svolítið mikið yfir á þeirra forsendur“ Uppgjörið: Fylkir - Þróttur 1-1 | Nýliðarnir björguðu stigi undir lokin Inter Ítalíumeistari eftir sigur á nágrönnum sínum í AC Milan „Sé okkur ekkert þurfa að elta þær“ Uppgjörið: Breiðablik - Keflavík 3-0 | Öruggt í fyrsta heimaleik nýja þjálfarans Uppgjör, viðtöl og myndir: Stjarnan - Víkingur 1-2 | Nýliðarnir byrja á sigri Glódís Perla og stöllur enn taplausar á toppnum Uppgjör og viðtöl: Tindastóll - FH 0-1 | Hafnfirðingar byrja á sigri Bologna styrkti stöðu sína í fjórða sæti Ólafur frá næstu vikurnar Á barmi gjaldþrots og Ásdís gæti misst fríar máltíðir Var sagður taka við Liverpool en hefur rætt við West Ham Gæti krafist þess að El Clásico verði endurtekinn vegna draugamarks Helena skiptir um lið í fyrstu umferð „Maður vill ekki fara að vorkenna þeim“ „Kem því ekki í orð hversu léleg frammistaðan var“ Sjáðu sýningu Amöndu gegn Akureyringum Finnur Arnar fyrir pressunni? „Þjálfari félags sem svífst einskis til að ná árangri“ Sjáðu mörkin úr stórleiknum, öðrum stórsigri ÍA í röð og sögulegum sigri Vestra Hjólaði alla leið frá Mongólíu til að sjá United spila Antony gagnrýndur fyrir fagnið Xavi aftur brjálaður: „Þetta er til skammar og við ætlum ekki að þegja“ „Úrslitin kostuðu Ten Hag starfið“ Ratcliffe hljóp maraþon og dreif sig svo á Wembley Ásaka dómara um óheilindi og hlutdrægni „Hefði hann klippt táneglurnar værum við ekki að ræða þessa vítaspyrnukeppni“ Sjá meira
Þrjú efstu lið spænsku efstu deildarinnar í knattspyrnu karla frá síðasta keppnistímabili mæta þó nokkuð breytt, sérstaklega Real Madrid, sem gekk í gegnum mikið vonbrigðatímabil í fyrra þar sem þriðja sætið í deildinni varð raunin og enginn bikar bættist í safnið. Barcelona sem er ríkjandi spænskur meistari sem og bikarmeistari hefur styrkt miðsvæðið hjá sér með hollenska miðvallarleikmanninum Frenkie de Jong og Antoine Griezmann á að hressa upp á sóknarleik liðsins. Þá hefur Neymar, sem unir ekki hag sínum hjá franska liðinu PSG, verið þráfaldlega orðaður við Katalóníufélagið. Sóknarlína Barcelona með þá Lionel Messi, Luis Suárez og núna Griezmann er ekki árennileg fyrir andstæðinga liðsins sem freista þess að velta liðinu af stalli á næstu leiktíð. Líklegt er talið að Philippe Coutinho eigi erfitt með að brjóta sér leið inn í byrjunarliðið og PSG, Manchester United og jafnvel endurkoma til Liverpool hafa verið nefnd til sögunnar sem mögulegir næstu áfangastaðir brasilíska sóknartengiliðsins.Mestar breytingar hafa orðið í herbúðum Atlético Madrid Atlético Madrid, sem hefur misst nokkra af lykilleikmönnum síðustu ára, ætlar portúgalska ungstirninu Joao Felix að fylla skarðið sem Griezmann skilur eftir sig. Þá fór spænski miðjumaðurinn Rodri til Manchester City, franski miðvörðurinn Lucas Hernandez til Bayern München og úrúgvæski varnarmaðurinn Diego Godin til Inter Milan. Þá seldi Diego Simeone argentínska framherjann Luciano Vietto til Sporting Lisbon og portúgalska vængmanninn Gelson Martins til Monaco til þess að efla fjárhirslu félagsins. Álvaro Morata, sem var á láni hjá liðinu seinni hluta síðustu leiktíðar, var keyptur fyrr í sumar. Serbneski framherjinn Ivan Saponjic og argentínski sóknarmaðurinn Nico Ibanez eru svo komnir til liðsins til þess að sjá um að sóknarleikur Atlético Madrid verði nægilega öflugur. Atlético hefur svo verið að bera víurnar í Kólumbíumanninn James Rodríguez sem er á mála hjá Real Madrid en hefur verið á láni hjá Bayern München síðustu þrjú keppnistímabil. Rodríguez gæti verið sniðug lausn til þess að vera tengiliður milli miðju og sóknar hjá liðinu sem vill beita skyndisóknum og sækja hratt á andstæðinga sína. Spænski miðvallarleikmaðurinn Marcos Llorente fær það verkefni að sinna því hlutverki sem Rodri sinnti hjá sveinum Simeone og Mexíkóinn Hector Herrera á einnig að bólstra miðsvæðið. Brasilíumennirnir Felipe og Renan Lodi og enski hægri bakvörðurinn Kieran Trippier hafa verið fengnir til þess að stoppa í götin sem urðu til í varnarlínu með sölum sumarsins.Nýtt hryggjarstykki mætt til leiks hjá særðu liði Real Madrid Það var nokkuð ljóst snemma í vor að Zinedine Zidane myndi fá það hlutverk að byggja upp nýtt lið hjá Real Madrid í sumar. Liðið lenti í þriðja sæti deildarinnar og var aldrei í alvöru baráttu við Barcelona um spænska meistaratitilinn og féll úr leik í 16 liða úrslitum Meistaradeildar Evrópu eftir að hafa unnið þá keppni undir stjórn Zidane síðustu þrjú árin þar á undan. Zidane byrjaði á því að tryggja sér þjónustu Edens Hazard og líklegt er að sóknarleikurinn eigi að byggjast í kringum Belgann snjalla. Real Madrid tókst ekki að sjá til þess að brotthvarf Cristiano Ronaldo gengi smurt fyrir sig síðasta vetur og nú fær Hazard það hlutverk að breyta því. Til þess að aðstoða Hazard við að bera uppi sóknarleikinn og Karim Benzema við að setja boltann yfir línuna var svo Serbinn Luka Jovic keyptur frá Eintracht Frankfurt. Jovic skoraði 25 mörk fyrir þýska liðið á síðasta tímabili en það er ólík pressan að standa sig í Frankfurt eða fyrir framan kröfuharða stuðningsmenn Real Madrid. Þá kom hinn ungi og efnilegi brasilíski unglingur Rodrygo frá Santos. Ferland Mendy sem kemur frá Lyon á að leysa Marcelo af hólmi og miðvörðurinn og djúpi miðjumaðurinn Eder Militao að styrkja míglekan varnarleik liðsins. Sex lykilleikmenn Real Madrid á síðustu leiktíð voru eldri en 30 ára gamlir og Toni Kroos kemst á fertugsaldurinn í janúar á næsta ári. Meðalaldurinn á leikmannakaupum Real Madrid í sumar er 22 ár og augljóst að stefnan er að fá ferska og góða fætur í kringum reynslumikla og hæfileikaríka leikmenn liðsins. Síðustu vikurnar hefur Paul Pogba svo verið nefndur til sögunnar sem síðasta púsl Zidane fyrir komandi keppnistímabil en svo virðist sem Ole Gunnar Solskjær og forráðamenn Manchester United séu ekki á þeim buxunum að hleypa honum úr herbúðum Manchester-liðsins.
Birtist í Fréttablaðinu Spænski boltinn Mest lesið Einar Árni hættur hjá Hetti Körfubolti Dæmd í bann eftir að ljúga til um krabbamein til að sleppa við bann Sport Barnshafandi eftir langt ferli sem tók á andlega Íslenski boltinn Segir að Ten Hag sé búinn að vera Enski boltinn Losnar stjarna Aþenu úr frystiklefa Brynjars Karls? Körfubolti Forest vill hljóðupptöku dómaraherbergins frá leiknum gegn Everton Enski boltinn Viðar Örn: Stoltur af liðinu fyrir að skilja allt eftir á gólfinu Körfubolti „Erfitt að vinna þá þrisvar sinnum í röð“ Körfubolti „Karakter í mínum stelpum, þær gáfust aldrei upp“ Íslenski boltinn Aþena er komið í úrslitaeinvígi um sæti í Subway-deild kvenna Körfubolti Fleiri fréttir Barnshafandi eftir langt ferli sem tók á andlega Segir að Ten Hag sé búinn að vera Forest vill hljóðupptöku dómaraherbergins frá leiknum gegn Everton „Karakter í mínum stelpum, þær gáfust aldrei upp“ „Þetta fór svolítið mikið yfir á þeirra forsendur“ Uppgjörið: Fylkir - Þróttur 1-1 | Nýliðarnir björguðu stigi undir lokin Inter Ítalíumeistari eftir sigur á nágrönnum sínum í AC Milan „Sé okkur ekkert þurfa að elta þær“ Uppgjörið: Breiðablik - Keflavík 3-0 | Öruggt í fyrsta heimaleik nýja þjálfarans Uppgjör, viðtöl og myndir: Stjarnan - Víkingur 1-2 | Nýliðarnir byrja á sigri Glódís Perla og stöllur enn taplausar á toppnum Uppgjör og viðtöl: Tindastóll - FH 0-1 | Hafnfirðingar byrja á sigri Bologna styrkti stöðu sína í fjórða sæti Ólafur frá næstu vikurnar Á barmi gjaldþrots og Ásdís gæti misst fríar máltíðir Var sagður taka við Liverpool en hefur rætt við West Ham Gæti krafist þess að El Clásico verði endurtekinn vegna draugamarks Helena skiptir um lið í fyrstu umferð „Maður vill ekki fara að vorkenna þeim“ „Kem því ekki í orð hversu léleg frammistaðan var“ Sjáðu sýningu Amöndu gegn Akureyringum Finnur Arnar fyrir pressunni? „Þjálfari félags sem svífst einskis til að ná árangri“ Sjáðu mörkin úr stórleiknum, öðrum stórsigri ÍA í röð og sögulegum sigri Vestra Hjólaði alla leið frá Mongólíu til að sjá United spila Antony gagnrýndur fyrir fagnið Xavi aftur brjálaður: „Þetta er til skammar og við ætlum ekki að þegja“ „Úrslitin kostuðu Ten Hag starfið“ Ratcliffe hljóp maraþon og dreif sig svo á Wembley Ásaka dómara um óheilindi og hlutdrægni „Hefði hann klippt táneglurnar værum við ekki að ræða þessa vítaspyrnukeppni“ Sjá meira