Sport

Fimmtán ára nýliði vann Williams á Wimbledon

Ingvi Þór Sæmundsson skrifar
Gauff trúði vart sínum eigin augum eftir að hafa sigrað Venus Williams.
Gauff trúði vart sínum eigin augum eftir að hafa sigrað Venus Williams. vísir/getty

Venus Williams er úr leik á Wimbledon-mótinu í tennis eftir tap fyrir Cori Gauff í í gær.

Hin bandaríska Gauff er fædd 13. mars 2004 og er því aðeins 15 ára gömul. Hún er yngsti keppandinn sem kemst á Wimbledon síðan atvinnumenn máttu byrja að keppa á risamótum 1968.

Reynsluleysið háði Gauff ekki í hennar fyrstu viðureign á risamóti í gær og sigurinn var öruggur.

Gauff sýndi mikla yfirvegun og gerði færri mistök en hin 39 ára Williams. Hún vann í tveimur settum, 6-4 og 6-4.

Áður en Gauff kom í heiminn var Williams búin að vinna Wimbledon tvisvar (2000 og 2001). Hún hefur alls fimm sinnum unnið sigur á Wimbledon auk tveggja sigra á Opna bandaríska. Williams hefur hins vegar ekki unnið risamót síðan 2008.

Í næstu umferð mætir Gauff Magdalénu Rybáriková frá Slóvakíu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.