Fótbolti

Svissneska landsliðskonan látin

Anton Ingi Leifsson skrifar
Florijana Ismaili var með Sviss á HM 2015.
Florijana Ismaili var með Sviss á HM 2015. GETTY/MIKE HEWITT
Svissneska landsliðskonan, Florijana Ismaili, er látin en hún fannst í Como-vatninu á Ítalíu fyrr í dag.

Florijana Ismaili var 24 ára gömul en hún spilaði með BSC Young Boys og var fyrirliði liðsins. Hún hafði spilað tíu landsleiki fyrir Sviss.

Hún hafði verið í fríi með liðsfélaga sínum við Como-vatnið en þær tóku upplásinn bát á leigu. Hún stakk sér svo til sunds og kom aldrei upp úr aftur.

Hún fannst á 204 metra dýpi en kafarar höfðu leitað hennar frá því á sunnudaginn. Þeir geta lengst farið á 50 metra dýpi en það voru tæki og tól sem voru notuð við leitina sem fundu líkama Florijana.

Xherdan Shaqiri, leikmaður Liverpool og svissneska landsliðsins, sendi fjölskyldu og vinum Florijana samúðarkveðjur í dag.










Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.