Vikulega teknar mjög sérstakar ákvarðanir Hjörvar Ólafsson skrifar 11. júní 2019 16:45 Þorlákur Árnason. SKJÁSKOT Þorlákur Árnason hefur verið yfirmaður knattspyrnumála hjá knattspyrnusambandinu í Hong Kong í fimm mánuði. Þetta fyrsta misseri í starfi hefur verði viðburðaríkt og Þorlákur hefur verið önnum kafinn við hin ýmsu verkefni. Hann segir menningarmuninn á milli Íslands og Hong Kong ekki ýkja mikinn en hins vegar séu teknar ákvarðanir í knattspyrnuheiminum þar ytra sem veki furðu hjá honum og hann hafi tamið sér að hafa húmor fyrir því hvernig menn hjá félagsliðum landsins og í deildarkeppninni þar í landi vinna. „Það hefur verið ofboðslega mikið að gera og eftir á að hyggja er ég bara mjög ánægður með það. Verkefnin sem ég hef tekið að mér eru mörg og mismunandi og það hefur hjálpað mér að aðlagast fljótt og vel að vera önnum kafinn í starfi mínu. Hér hef ég fengið sterkt bakland hjá knattspyrnusambandinu til þess að innleiða mína hugmyndafræði og koma mínum stefnuatriðum á koppinn,“ segir Þorlákur í samtali við Fréttablaðið um fyrstu mánuði sína í fjarlægu landi. „Hér eru milljarðamæringar sem standa að félagsliðunum í landinu og stjórn knattspyrnusambandsins er skipuð sterkum karakterum. Ég hef fengið mikið traust til þess að vinna hlutina eftir eigin höfði og ég er mjög þakklátur fyrir það. Í Asíu eru oft miklar breytingar gerðar á skömmum tíma og meðallíftími manna í starfinu sem ég sinni er tæpt ár en ég gerði þriggja ára samning og ég býst við að klára þann samning. Mér líður mjög vel hérna og kann vel við það traust og þá virðingu sem mér hefur verið sýnd í störfum mínum. Ég er að umbylta kerfinu hérna og það hefur verið tekið vel í það,“ segir þessi reynslumikli þjálfari og stjórnandi.Byrjaði á því að breyta um hugsunarhátt „Þegar ég kom hingað var kúltúrinn sá að draga leikmenn í dilka við átta ára aldur og knattspyrnusambandið bar hitann og þungann af öllu akademíustarfi í landinu. Ég hef breytt kerfinu á þann hátt að fram að 13 ára aldri er áhersla lögð á að leikmenn fái jöfn tækifæri og akademíuhugsunin er í lágmarki. Þá leggjum við meiri ábyrgð á félögin sjálf, bæði í barna- og unglingastarfinu og þegar kemur að starfrækslu akademía. Við 14 ára aldurinn förum við hjá knattspyrnusambandinu hins vegar að taka til okkar leikmenn sem skara fram úr og þróa þeirra leik,“ segir hann um þau atriði sem hann hefur lagt áherslu á fyrstu mánuðina. „Ég tók eftir því þegar ég kom hingað að leikmenn í deildinni og í landsliðinu voru orðnir helst til gamlir og það vantaði upp á framtíðarsýn við að gefa ungum og efnilegum leikmönnum tækifæri bæði í deildinni og í landsliðinu. Eftir að mér var falið að aðstoða við þjálfun A-landsliðsins tókum við inn einn 16 ára leikmann og annan 18 ára í hópinn til þess að búa þá undir framtíðina og plægja akurinn fyrir komandi tíma. Svo vantaði uppalda Hong Kong-búa í liðið og við höfum gert bragarbót á því,“ segir Þorlákur sem tók fljótlega við sem aðstoðarþjálfari karlalandsliðsins eftir komu sína til Hong Kong. „Við erum að fara inn í undankeppni HM 2022 og svo komumst við í úrslitakeppni Austur-Asíubikarsins. Ég sé fyrir mér að klára þetta ár í starfi í þjálfarateymi karlalandsliðsins en einbeita mér svo að fullu að starfi mínu sem yfirmaður knattspyrnumála sem er mjög viðamikið starf. Þar er ég sem dæmi að innleiða UEFA Elite-menntunarkerfið fyrir þjálfara hér í landi auk þess að halda áfram að þróa og bæta leikmenn landsins sem er spennandi og skemmtilegt verkefni. Það eru mikil sóknarfæri hér í landi sem og annars staðar í Asíu og ég er mjög spenntur fyrir næstu árum hér,“ segir Skagamaðurinn um framhaldið. Birtist í Fréttablaðinu Fótbolti Mest lesið Uppgjörið: Vestri - KR 1-5 | KR bjargaði sér og sendi Vestra í Lengjudeildina Íslenski boltinn Fáránlegt eða klókt hjá Kristófer? „Ef það má þá gerir fólk það“ Körfubolti Uppgjörið: ÍA - Afturelding 1-0 | Afturelding staldraði stutt við í efstu deild Íslenski boltinn Uppgjörið: ÍBV - KA 3-4 | KA tryggði sér Forsetabikarinn þriðja árið í röð Íslenski boltinn „Þetta verður bara veisla fyrir vestan“ Íslenski boltinn Freyr á erfitt með að lýsa ógleymanlegu kvöldi Fótbolti Man. United - Brighton | Rauðu djöflarnir í leit að þriðja deildarsigrinum í röð Enski boltinn Leik lokið: Víkingur - Valur 2-0 | Meistararnir klára tímabilið með stæl Íslenski boltinn Afar stolt eftir tapið gegn Íslandi Fótbolti Ráðast örlög Aftureldingar inni í höll? Íslenski boltinn Fleiri fréttir Napoli á toppinn eftir sigur í toppslag „Framtíðin er björt hérna á Skaganum“ „Förum eitt skref til baka en tökum svo tvö fram á við“ Uppgjörið: Vestri - KR 1-5 | KR bjargaði sér og sendi Vestra í Lengjudeildina Andri Lucas tryggði Blackburn þrjú stig í endurkomusigri Sunderland kom til baka gegn Chelsea og dramatík í Newcastle FH - Fram: 3-4 | Þrenna Sigurðar Bjarts dugði skammt Man. United - Brighton | Rauðu djöflarnir í leit að þriðja deildarsigrinum í röð Uppgjörið: ÍA - Afturelding 1-0 | Afturelding staldraði stutt við í efstu deild Víkingur - Valur | Verðlaun afhent í Víkinni Mikael kom Djurgården á bragðið í stórsigri Uppgjörið: ÍBV - KA 3-4 | KA tryggði sér Forsetabikarinn þriðja árið í röð Leikurinn mikilvægi verður í Akraneshöllinni Sjáðu mörkin í verstu byrjun Hamranna í hálfa öld Ráðast örlög Aftureldingar inni í höll? Messi skoraði tvö eftir að hafa fengið enn einn gullskóinn Afar stolt eftir tapið gegn Íslandi „Þetta verður bara veisla fyrir vestan“ Freyr á erfitt með að lýsa ógleymanlegu kvöldi Leeds afgreiddi West Ham Uppgjörið: N-Írland - Ísland 0-2 | Varnarjaxlarnir tryggðu sigur Belgarnir hennar Betu fengu skell Byrjunarlið Íslands: Ein breyting frá lokaleiknum á EM en ekkert óvænt Vestri og KR mætast á fyrsta degi vetrar: „Vona að það snjói ekki í nótt“ Lárus Orri framlengir á Skaganum Sænska ungstirnið klárt í El Clásico vegna meiðsla Raphinha Sheffield Wednesday stefnir í gjaldþrot Sjáðu af hverju vörn Arsenal er í algjörum sérflokki „Þetta hafa verið erfiðir tímar fyrir okkur alla“ Benítez orðinn stjóri Sverris og sprengir launaskalann Sjá meira
Þorlákur Árnason hefur verið yfirmaður knattspyrnumála hjá knattspyrnusambandinu í Hong Kong í fimm mánuði. Þetta fyrsta misseri í starfi hefur verði viðburðaríkt og Þorlákur hefur verið önnum kafinn við hin ýmsu verkefni. Hann segir menningarmuninn á milli Íslands og Hong Kong ekki ýkja mikinn en hins vegar séu teknar ákvarðanir í knattspyrnuheiminum þar ytra sem veki furðu hjá honum og hann hafi tamið sér að hafa húmor fyrir því hvernig menn hjá félagsliðum landsins og í deildarkeppninni þar í landi vinna. „Það hefur verið ofboðslega mikið að gera og eftir á að hyggja er ég bara mjög ánægður með það. Verkefnin sem ég hef tekið að mér eru mörg og mismunandi og það hefur hjálpað mér að aðlagast fljótt og vel að vera önnum kafinn í starfi mínu. Hér hef ég fengið sterkt bakland hjá knattspyrnusambandinu til þess að innleiða mína hugmyndafræði og koma mínum stefnuatriðum á koppinn,“ segir Þorlákur í samtali við Fréttablaðið um fyrstu mánuði sína í fjarlægu landi. „Hér eru milljarðamæringar sem standa að félagsliðunum í landinu og stjórn knattspyrnusambandsins er skipuð sterkum karakterum. Ég hef fengið mikið traust til þess að vinna hlutina eftir eigin höfði og ég er mjög þakklátur fyrir það. Í Asíu eru oft miklar breytingar gerðar á skömmum tíma og meðallíftími manna í starfinu sem ég sinni er tæpt ár en ég gerði þriggja ára samning og ég býst við að klára þann samning. Mér líður mjög vel hérna og kann vel við það traust og þá virðingu sem mér hefur verið sýnd í störfum mínum. Ég er að umbylta kerfinu hérna og það hefur verið tekið vel í það,“ segir þessi reynslumikli þjálfari og stjórnandi.Byrjaði á því að breyta um hugsunarhátt „Þegar ég kom hingað var kúltúrinn sá að draga leikmenn í dilka við átta ára aldur og knattspyrnusambandið bar hitann og þungann af öllu akademíustarfi í landinu. Ég hef breytt kerfinu á þann hátt að fram að 13 ára aldri er áhersla lögð á að leikmenn fái jöfn tækifæri og akademíuhugsunin er í lágmarki. Þá leggjum við meiri ábyrgð á félögin sjálf, bæði í barna- og unglingastarfinu og þegar kemur að starfrækslu akademía. Við 14 ára aldurinn förum við hjá knattspyrnusambandinu hins vegar að taka til okkar leikmenn sem skara fram úr og þróa þeirra leik,“ segir hann um þau atriði sem hann hefur lagt áherslu á fyrstu mánuðina. „Ég tók eftir því þegar ég kom hingað að leikmenn í deildinni og í landsliðinu voru orðnir helst til gamlir og það vantaði upp á framtíðarsýn við að gefa ungum og efnilegum leikmönnum tækifæri bæði í deildinni og í landsliðinu. Eftir að mér var falið að aðstoða við þjálfun A-landsliðsins tókum við inn einn 16 ára leikmann og annan 18 ára í hópinn til þess að búa þá undir framtíðina og plægja akurinn fyrir komandi tíma. Svo vantaði uppalda Hong Kong-búa í liðið og við höfum gert bragarbót á því,“ segir Þorlákur sem tók fljótlega við sem aðstoðarþjálfari karlalandsliðsins eftir komu sína til Hong Kong. „Við erum að fara inn í undankeppni HM 2022 og svo komumst við í úrslitakeppni Austur-Asíubikarsins. Ég sé fyrir mér að klára þetta ár í starfi í þjálfarateymi karlalandsliðsins en einbeita mér svo að fullu að starfi mínu sem yfirmaður knattspyrnumála sem er mjög viðamikið starf. Þar er ég sem dæmi að innleiða UEFA Elite-menntunarkerfið fyrir þjálfara hér í landi auk þess að halda áfram að þróa og bæta leikmenn landsins sem er spennandi og skemmtilegt verkefni. Það eru mikil sóknarfæri hér í landi sem og annars staðar í Asíu og ég er mjög spenntur fyrir næstu árum hér,“ segir Skagamaðurinn um framhaldið.
Birtist í Fréttablaðinu Fótbolti Mest lesið Uppgjörið: Vestri - KR 1-5 | KR bjargaði sér og sendi Vestra í Lengjudeildina Íslenski boltinn Fáránlegt eða klókt hjá Kristófer? „Ef það má þá gerir fólk það“ Körfubolti Uppgjörið: ÍA - Afturelding 1-0 | Afturelding staldraði stutt við í efstu deild Íslenski boltinn Uppgjörið: ÍBV - KA 3-4 | KA tryggði sér Forsetabikarinn þriðja árið í röð Íslenski boltinn „Þetta verður bara veisla fyrir vestan“ Íslenski boltinn Freyr á erfitt með að lýsa ógleymanlegu kvöldi Fótbolti Man. United - Brighton | Rauðu djöflarnir í leit að þriðja deildarsigrinum í röð Enski boltinn Leik lokið: Víkingur - Valur 2-0 | Meistararnir klára tímabilið með stæl Íslenski boltinn Afar stolt eftir tapið gegn Íslandi Fótbolti Ráðast örlög Aftureldingar inni í höll? Íslenski boltinn Fleiri fréttir Napoli á toppinn eftir sigur í toppslag „Framtíðin er björt hérna á Skaganum“ „Förum eitt skref til baka en tökum svo tvö fram á við“ Uppgjörið: Vestri - KR 1-5 | KR bjargaði sér og sendi Vestra í Lengjudeildina Andri Lucas tryggði Blackburn þrjú stig í endurkomusigri Sunderland kom til baka gegn Chelsea og dramatík í Newcastle FH - Fram: 3-4 | Þrenna Sigurðar Bjarts dugði skammt Man. United - Brighton | Rauðu djöflarnir í leit að þriðja deildarsigrinum í röð Uppgjörið: ÍA - Afturelding 1-0 | Afturelding staldraði stutt við í efstu deild Víkingur - Valur | Verðlaun afhent í Víkinni Mikael kom Djurgården á bragðið í stórsigri Uppgjörið: ÍBV - KA 3-4 | KA tryggði sér Forsetabikarinn þriðja árið í röð Leikurinn mikilvægi verður í Akraneshöllinni Sjáðu mörkin í verstu byrjun Hamranna í hálfa öld Ráðast örlög Aftureldingar inni í höll? Messi skoraði tvö eftir að hafa fengið enn einn gullskóinn Afar stolt eftir tapið gegn Íslandi „Þetta verður bara veisla fyrir vestan“ Freyr á erfitt með að lýsa ógleymanlegu kvöldi Leeds afgreiddi West Ham Uppgjörið: N-Írland - Ísland 0-2 | Varnarjaxlarnir tryggðu sigur Belgarnir hennar Betu fengu skell Byrjunarlið Íslands: Ein breyting frá lokaleiknum á EM en ekkert óvænt Vestri og KR mætast á fyrsta degi vetrar: „Vona að það snjói ekki í nótt“ Lárus Orri framlengir á Skaganum Sænska ungstirnið klárt í El Clásico vegna meiðsla Raphinha Sheffield Wednesday stefnir í gjaldþrot Sjáðu af hverju vörn Arsenal er í algjörum sérflokki „Þetta hafa verið erfiðir tímar fyrir okkur alla“ Benítez orðinn stjóri Sverris og sprengir launaskalann Sjá meira