Keyrði á kyrrstæðan jeppa og valt á hliðina
Ökumaður fólksbíls var fluttur á slysadeild til skoðunar eftir að bíll hans valt í miðbæ Reykjavíkur laust fyrir klukkan þrjú í nótt. Atvikið átti sér stað á gatnamótum Grettisgötu og Barónsstígs.
Samkvæmt upplýsingum frá slökkviliðinu á höfuðborgarsvæðinu hafði ökumaðurinn keyrt á kyrrstæðan jeppa sem lagt var í götunni með þeim afleiðingum að bíll hans valt á hliðina á miðri götunni.
Engin alvarleg slys urðu á fólki en þegar viðbragðsaðilar mættu á vettvang hafði ökumaðurinn komist út úr bílnum af sjálfsdáðum. Þótti þó réttast að flytja hann til skoðunar en meiðsli hans eru talin minniháttar.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
