Körfubolti

Kawhi farinn í mál við Nike

Henry Birgir Gunnarsson skrifar
Kawhi Leonard.
Kawhi Leonard. vísir/getty

NBA-stjarnan Kawhi Leonard er ekkert allt of sátt við íþróttavöruframleiðandann Nike sem Kawhi segir að hafi stolið af sér merki sem hann hannaði.

Sérstakt merki er á ákveðnum fatnaði Kawhi. Leikmaðurinn segist hafa hannað það og leyft Nike að nota í hófi á ákveðnum vörum. Hann varð því frekar fúll er hann heyrði að Nike væri komið með einkaleyfi á þessu merki. Það hefði fyrirtækið gert án þess að spyrja hann um leyfi.

Hér má sjá merkið sem um ræðir.

Leikmaðurinn hætti á samningi hjá Nike í nóvember á síðasta ári og samdi við New Balance.

Merkið umtalaða segist hann hafa teiknað sjálfur. Hann hafi dregið penna í kringum sína stóru fingur og miðja merkisins býr svo til K. Stóri fingur og þumalfingur mynda svo L.

Verður áhugavert að fylgjast með framvindu þessa máls en Kawhi þarf aftur á móti að setja alla sína krafta í úrslitaeinvígi NBA-deildarinnar. Þar er hann á fullu með Toronto Raptors í hörkuslag gegn Golden State Warriors en staðan í einvígi liðanna er jöfn, 1-1.

NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.