Árni og félagar fallnir

Chernomorets Odessa er fallið úr úkraínsku úrvalsdeildinni eftir 2-0 tap gegn Kolos í umspili í dag.

Íslenski sóknarmaðurinn Árni Vilhjálmsson er lánsmaður hjá Chernomorets Odessa og var í byrjunarliðinu í dag en var skipt af velli á 71.mínútu.

Bæði mörk Kolos komu úr vítaspyrnu en liðið fékk alls þrjár vítaspyrnur í leiknum og skoraði úr tveimur. 

Árni er samningsbundinn pólska B-deildarliðinu Termilica Nieciecza en óvíst er með hvaða liði hann spilar á næstu leiktíð. Hann er í leit að nýju félagi og ef marka má orð umboðsmanns hans eru stór lið áhugasöm.

Árni spilaði vel eftir að hafa verið lánaður til Úkraínu og gerði 7 mörk í 12 leikjum fyrir Chernomorets Odessa.