Fótbolti

Cristiane afgreiddi Jamaíku: Elsti leikmaðurinn til að skora þrjú mörk á HM

Anton Ingi Leifsson skrifar
Cristiane fagnar einu af mörkunum þremur.
Cristiane fagnar einu af mörkunum þremur. vísir/getty
Brasilía er komið með þrjú stig í C-riðli heimsmeistaramóts kvenna í knattspyrnu eftir að Brassarnir unnu 3-0 sigur á Jamaíka í fyrstu umferðinni.

Cristiane, sem spilar fyrir São Paulo, í heimalandinu var á eldi í dag og afgreiddi Jamaíka í raun upp á sitt einsdæmi.

Hún skoraði fyrsta markið og þannig var staðan í leikhlé. Hún bætti við öðru markinu á 50. mínútu og fullkomnaði þrennuna eftir rétt rúman klukkutíma.

Með því að skora þrennu í dag skrifaði Cristiane sig á spjöld sögurnar en hún er elsti leikmaðurinn til þess að skora þrjú mörk í einum og sama leiknum.







Brassarnir eru því með þrjú stig í C-riðlinum líkt og Ítalía en Ástralía og Jamaíka eru án stiga. Brasilía mætir Ástralíu á fimmtudaginn.




Fleiri fréttir

Sjá meira


×