Ari Freyr genginn til liðs við KV Oostende

Landslisðmaðurinn Ari Freyr Skúlason færði sig um set í Belgíu og er búinn að skrifa undir samning við KV Oostende.

Ari Freyr hefur spilað með belgíska liðinu Lokeren síðan sumarið 2016. Lokeren féll úr efstu deild á síðustu leiktíð.

Samningur hans við KV Oostende er til tveggja ára en Oostende endaði í 14. sæti í deildinni á nýliðnu tímabili.

Ari Freyr á 64 A-landsleiki fyrir Ísland og sú tala gæti hækkað um tvo á næstu dögum því hann var að vanda í landsliðshópnum sem tilkynntur var í dag fyrir komandi leiki í undankeppni EM.

Hann hefur verið í atvinnumennsku síðan 2006 og spilað í Svíþjóð, Danmörku og nú Lokeren.