Fótbolti

Fekir má fara frá Lyon

Ingvi Þór Sæmundsson skrifar
Fekir er fyrirliði Lyon.
Fekir er fyrirliði Lyon. vísir/getty

Franski landsliðsmaðurinn Nabil Fekir fær að yfirgefa herbúðir Lyon í sumar.

Jean-Michel Aulas, forseti Lyon, greindi frá þessu eftir 3-2 sigur liðsins á Nimes í lokaumferð frönsku úrvalsdeildarinnar í gær.

„Við þökkum honum fyrir hans framlag en við höfum komist að samkomulagi um að hann megi fara,“ sagði Aulas.

Fekir á eitt ár eftir af samningi sínum við Lyon sem ætlar að selja hann í stað þess að missa hann fyrir ekki neitt næsta sumar.

Hann var nálægt því að ganga í raðir Liverpool síðasta sumar en félagaskiptin urðu ekki að veruleika. Talið er að Liverpool hafi verið tilbúið að borga 53 milljónir punda fyrir Fekir.

Hinn 25 ára Fekir skoraði 12 mörk í 39 leikjum fyrir Lyon í öllum keppnum í vetur. Hann hefur leikið 21 leik fyrir franska landsliðið og varð heimsmeistari með því í fyrra.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.