Erlent

Evrópa hafnar afarkostum Íransstjórnar

Þórgnýr Einar Albertsson skrifar
Federica Mogherini utanríkismálastjóri.
Federica Mogherini utanríkismálastjóri. Nordicphotos/AFP

Frakkland, Þýskaland og Bretland, evrópsku aðildarríkin að JCPOA-samningnum um að Íranar fái ekki að koma sér upp kjarnorkuvopnum í skiptum fyrir afléttingu viðskiptaþvingana, hvöttu Írana í sameiginlegri yfirlýsingu í gær til þess að halda samningnum á lífi.

Hassan Rouhani, forseti Írans, sagði á miðvikudag að Íran ætlaði að hætta að framfylgja samningnum og ef til vill byrja að framleiða auðgað úran til eigin nota í stað þess að selja það úr landi, líkt og samningurinn kveður á um. Sagði hann það gert vegna þeirra viðskiptaþvingana sem Bandaríkin hafa lagt á Íran eftir riftun Bandaríkjanna. Ríkin sögðust hafna þeim afarkostum sem Íran setti þeim um að fá þvingunum Bandaríkjanna aflétt innan sextíu daga gegn áframhaldandi samstarfi.

Federica Mogherini, utanríkismálastjóri ESB, sagði samninginn mikilvægt öryggisatriði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.