Varamenn Milwaukee skoruðu 54 stig í öruggum sigri á Toronto
Milwaukee Bucks er 2-0 yfir í einvíginu gegn Toronto Raptors í úrslitum Austurdeildar NBA eftir sigur í öðrum leik liðanna í nótt, 125-103.
Milwaukee var alltaf með yfirhöndina í leiknum og sigurinn var öruggur. Liðið hefur unnið tíu af ellefu leikjum sínum í úrslitakeppninni.
Giannis Antetokounmpo skoraði 30 stig og tók 17 fráköst hjá Milwaukee sem fékk frábært framlag frá sínum varamönnum.
#FEARTHEDEER@Giannis_An34 posts 30 PTS, 17 REB, 5 AST as the @Bucks take a 2-0 series lead! #NBAPlayoffs
Game 3: Sunday (5/19), 7pm/et, TNT pic.twitter.com/FMTqDj5UIR
— NBA (@NBA) May 18, 2019
Alls fékk Milwaukee 54 stig frá bekknum í leiknum í nótt. Ersan Ilyasova fór þar fremstur í flokki með 17 stig.
Ersan Ilyasova (17 PTS) and @threekola (15 PTS) help the @Bucks win Game 2 at Fiserv Forum! #FearTheDeer #NBAPlayoffs
Game 3: Sunday (5/19), 7pm/et, TNT pic.twitter.com/mBldaDFVFv
— NBA (@NBA) May 18, 2019
Kawhi Leonard skoraði 31 stig fyrir Toronto en aðrir höfðu hægt um sig.
Liðin mætast í þriðja sinn í Toronto aðfaranótt mánudags.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
