Benedikt búinn að velja fyrsta æfingahópinn sinn

Benedikt Guðmundsson hefur valið stóran æfingahóp hjá íslenska kvennalandsliðinu í körfubolta en hann tók við landsliðinu á dögunum.

Benedikt og aðstoðarþjálfarar hans völdu í upphafi 31 leikmann til að koma saman í upphafi verkefnisins en verið er að undirbúa liðið fyrir Smáþjóðaleikana.

Nokkrir leikmenn eru frá vegna meiðsla eða af öðrum ástæðum og því verða 25 leikmenn til taks í upphafi.

Hópurinn verður svo minnkaður niður fljótlega eftir þessa æfingaviku og upp úr þeim hóp verður svo endanlegt lið valið sem tekur svo þátt á Smáþjóðaleikunum í ár en þeir fara að þessu sinni fram í Svartfjallalandi dagana 27. maí til 1. júní.

Eftirtaldir leikmenn skipa æfingahópinn:

Ásta Júlía Grímsdóttir · Valur

Ástrós Lena Ægisdóttir · KR

Auður Íris Ólafsdóttir · Stjarnan

Berglind Gunnarsdóttir · Snæfell

Björk Gunnarsdóttir · Breiðablik

Bríet Sif Hinriksdóttir · Stjarnan

Bryndís Guðmundsdóttir · Keflavík

Dagbjört Dögg Karlsdóttir · Valur

Embla Kristínardóttir · Keflavík

Emelía Ósk Gunnarsdóttir · Keflavík

Eva Margrét Kristjánsdóttir · Haukar

Guðlaug Björt Júlíusdóttir · Florida Tech, USA / Njarðvík

Gunnhildur Gunnarsdóttir · Snæfell

Hallveig Jónsdóttir · Valur

Helena Sverrisdóttir · Valur

Hildur Björg Kjartansdóttir · Celta Vigo, Spáni

Katla Rún Garðarsdóttir · Keflavík

Salbjörg Ragna Sævarsdóttir · Keflavík

Sara Rún Hinriksdóttir · Keflavík

Sigrún Sjöfn Ámundadóttir Skallagrímur

Sigrún Björg Ólafsdóttir · Haukar

Sóllilja Bjarnadóttir · Breiðablik

Sylvía Rún Hálfdánardóttir · Þór Akureyri

Thelma Dís Ágústsdóttir · Ball State, USA  / Keflavík

Þóra Kristín Jónsdóttir · Haukar

Þóranna Kika Hodge-Carr · Keflavík

Þeir leikmenn sem voru valdir en eru meiddir eða gátu ekki tekið þátt að þessu sinni eru: Birna V. Benónýsdóttir, Keflavík, Guðbjörg Sverrisdóttir, Valur, Jóhanna Björk Sveinsdóttir, Stjarnan, Ragnheiður Benónísdóttir, Stjarnan og Unnur Tara Jónsdóttir, KR.