Norðaustankaldi og kólnandi veður í kortunum
Í dag má gera ráð fyrir hægri austlægri eða breytilegri átt og fremur hlýju veðri. Síðdegisskúirir sunnan- og vestanlands og þokuloft við austurströndina en léttir til fyrir norðan, að því er fram kemur í hugleiðingum veðurfræðings á vef Veðurstofu Íslands.
Á morgun, frídag verkalýðsins, leggst í norðaustankalda sem dregur mun kaldara loft yfir landið og mun það ástand vara nokkra daga á eftir. Hiti lækkar þannig smám saman, einkum á norðaustanverðu landinu þar sem búast má við éljum annað kvöld.
Annars verður skýjað að mestu á morgun og skúrir víða um land, einkum seinni partinn.
Veðurhorfur á landinu næstu daga
Á miðvikudag:Norðaustan 5-10 m/s og lítilsháttar væta N- og A-lands með hita 2 til 7 stig. Annars hæg breytileg átt, skýjað að mestu og stöku síðdegisskúrir með hiti að 14 stigum.
Á fimmtudag:
Norðaustlæg átt, 8-13 m/s og úrkomulítið, en skúrir eða dálítil rigning SV-lands. Hiti 0 til 7 stig, svalast á NA-landi.
Á föstudag og laugardag:
Norðaustlæg eða breytileg átt, 3-10 m/s skýjað með köflum, en þurrt að kalla. Hiti 2 til 8 stig að deginum.
Á sunnudag og mánudag:
Útlit fyrir austan- og suðaustanátt með vætu á S-verðu landinu, en þurrviðri fyrir norðan og heldur hlýnandi veður.
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
