Innlent

Lagðist fyrir framan bíl á Miklubraut

Gunnar Reynir Valþórsson skrifar
Það kennir ýmissa grasa í dagbók lögreglu.
Það kennir ýmissa grasa í dagbók lögreglu. vísir/vilhelm

Síðdegis í gær var lögreglu tilkynnt um konu sem hafði lagst fyrir framan bifreið á Miklubraut í Reykjavík.

Þegar lögreglu bar að garði var vegfarandi búinn að færa konuna af akbrautinni en hún var í annarlegu ástandi og framvísaði ætluðum fíkniefnum þegar lögregla ræddi við hana. Henni var að loknum viðræðum ekið á heilbrigðisstofnun þar sem hún ætlaði að leita sér aðstoðar.

Bifreið var stöðvuð í Hafnarfirði í nótt Bifreið stöðvuð í Hafnarfirði eftir að lögreglumenn veittu því eftirtekt að ökumaðurinn hafði kveikt á bláum ljósum líkum þeim sem lögreglan notar við neyðarakstur.

Þá ók hann greitt og var eins og hann væri að reyna að stöðva bíl sem á undan var ekið. Þegar lögreglumenn ætluðu að hafa afskipti af ökumanninum jók hann hraða bifreiðar sinnar og reyndi að aka burt.

Eftir að lögregla náði í skottið á honum svaraði hann því til að ökumaður hins bílsins hefði svínað fyrir sig og að hann hafi því ákveðið að kveikja á ljósunum til að hræða hann. Ljósabúnaður mannsins var haldlagður og skýrsla rituð.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.