Innlent

Braust inn, stal tölvubúnaði og olli skemmdum

Kristín Ólafsdóttir skrifar
Þjófurinn olli talsverðum skemmdum.
Þjófurinn olli talsverðum skemmdum. Vísir

Lögreglunni á höfuðborgarsvæðinu var í gær tilkynnt um innbrot í hverfi 109 þar sem tölvubúnaði hafði verið stolið. Þá voru talsverðar skemmdir unnar innandyra í húsinu. Þjófurinn er ófundinn, að því er fram kemur í dagbók lögreglu.

Vímuefni komu við sögu í nær öllum öðrum verkefnum lögreglu í gær og nótt. Nokkrir ökumenn voru handteknir vegna gruns um akstur undir áhrifum fíkniefna. Þá var óskað eftir aðstoð lögreglu í hverfi 221 vegna konu í annarlegu ástandi fyrir utan fjölbýlishús. Konunni var komið heim til sín að lokinni skoðun sjúkraliða.

Lögregla handtók svo mann í miðborginni þar sem hann svaf inn á stigagangi. Maðurinn var fluttur á lögreglustöðina við Hverfisgötu þar sem rætt var við hann og honum síðar sleppt.

Þá var tilkynnt um grunsamlegar mannaferðir í Breiðholti þar sem maður var að lýsa inn í bíla. Maðurinn fannst ekki. Einnig var tilkynnt um rúðubrot í Grafarvogi, annars vegar í bifreið og hins vegar í íbúðarhúsnæði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.