Pochettino: Lloris var frábær

Mauricio Pochettino hrósaði markverði sínum Hugo Lloris eftir 1-0 sigur Tottenham á Borussia Dortmund í Meistaradeild Evrópu.

Tottenham vann einvígið samanlagt 4-0 og er komið áfram í 8-liða úrslitin.

„Ég er svo glaður fyrir hönd leikmannanna og stuðningsmannanna. Þetta var mikilvægur sigur og við áttum skilið að fara áfram,“ sagði Pochettino.

„Hugo Lloris var frábær. Þeir fengu fleiri færi en við áttum von á, en svona er fótboltinn. Þeir höfðu engu að tapa.“

„Síðustu tíu mínúturnar í fyrri hálfleik voru mjög erfiðar fyrir okkur en við byrjuðum seinni hálfleikinn á að skora.“

„Nú njótum við þess bara að vera komnir áfram, við eigum að vera stoltir af því.“