Alvarlegt umferðarslys tveggja bíla á Suðurlandsvegi: Búið að opna Suðurlandsveg

Uppfært 22:00

Suðurlandsvegur hefur verið opnaður að nýju.

Lögreglan segir þyrlu Landhelgisgæslunnar hafa lent á vettvangi um klukkan sjö og verið sé að vinna að því að koma slösuðum um borð. Það muni þó taka nokkurn tíma vegna áverka hinna slösuðu.

Árekstur tveggja bíla varð á Suðurlandsvegi rétt austan við Hjörleifshöfða rétt í þessu.

Að sögn Lögreglunnar á Suðurlandi er mikill fjöldi viðbragðsaðila á vettvangi, ljóst er að talsverð slys eru á fólki. Samkvæmt upplýsingum fréttastofu eru fjórir slasaðir.

Ásgeir Erlendsson, upplýsingafulltrúi Landhelgisgæslunnar staðfestir í samtali við fréttastofu að Lögreglan hafi óskað eftir þyrlu Landhelgisgæslunnar til að flytja slasaða af vettvangi.

Vegna slyssins hefur Vegagerðin lokað Suðurlandsvegi um Mýrdalssand og Eldhraun.

Yfirlit: Vegurinn um Mýrdalssand og Eldhraun er lokaður vegna umferðarslyss rétt austan við Hjörleifshöfða. #lokað#færðin

— Vegagerðin | Iceland Roads (@Vegagerdin) February 14, 2019

Fréttin hefur verið uppfærð