Brady stóð við loforðið sem hann gaf í upphafi leiks

Henry Birgir Gunnarsson skrifar 8. febrúar 2019 15:00

Brady með bikarinn í sigurskrúðgöngu Patriots. vísir/getty

Tom Brady byrjaði Super Bowl-leikinn skelfilega með því að kasta boltanum í hendur andstæðinganna í fyrstu sókn New England Patriots.

Hann varð þar með aðeins þriðji leikstjórnandinn í sögunni sem hefur leik í Super Bowl með því að kasta boltanum í hendur andstæðinganna. Hinir eru Jim Kelly og Ron Jaworski.

Tom Brady after his early INT: “I ain’t making another mistake all night, boys.” @insidetheNFL pic.twitter.com/TSDmzLj3Ib
— Zack Cox (@ZackCoxNESN) February 6, 2019

„Ég mun ekki gera önnur mistök í allt kvöld, strákar,“ sagði Brady fullur sjálfstrausts við liðsfélaga sína. Hann laug engu þar og kláraði enn einn úrslitaleikinn með sigri þó svo hann hafi verið nokkuð fjarri sínu besta. Hann gerði það sem þurfti til að vinna eins og svo oft áður.

Brady hefur nú unnið Super Bowl sex sinnum eða oftar en nokkur annar leikmaður í sögu NFL-deildarinnar.

NFL

Tengdar fréttir

43 leikmenn fengu meira borgað en Tom Brady

Tom Brady var 23. launahæsti leikstjórnandinn í NFL-deildinni í vetur.

8.2.2019 08:19

Sjáðu fagnaðarlætin eftir Super Bowl í 360 gráðum | Myndband

Skemmtileg innsýn í það sem gerðist eftir að Patriots vann í sjötta sinn.

6.2.2019 10:26

Goðsagnir NFL-deildarinnar í frábærri auglýsingu

Af mörgum góðum auglýsingum í gær þá höfðu NFL-aðdáendur mest gaman af auglýsingu frá deildinni sjálfri þar sem margar af helstu goðsögnum deildarinnar komu við sögu.

4.2.2019 13:49

Tom Brady tók við bikarnum með stelpuna sína í fanginu

Vivian Lake, sex ára dóttir Tom Brady, stal senuninni í verðlaunaafhendingunni í nótt þegar New England Patriots tryggði sér sinn sjötta meistaratitil á sautján árum eftir sigur í Super Bowl í Atlanta.

4.2.2019 03:59

Tom Brady búinn að vinna jafnmarga titla og Jordan eftir sigur Patriots í Super Bowl

Tom Brady bætti sjötta titlinum við goðsagnarkenndan feril sinn í NFL-deildinni þegar hann og félagar hans í New England Patriots unnu Super Bowl í nótt. Brady hefur nú orðið jafnoft NFL-meistari og Michael Jordan vann NBA-titilinn á sínum tíma.

4.2.2019 03:08

Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.