Miðvörður Real Madrid er vítaskytta liðsins eftir að Cristiano Ronaldo var seldur til Juventus og skoraði í gær úr sinni sjöundu vítaspyrnu á tímabilinu í 4-2 sigri Real Madrid á Girona í spænska bikarnum.
Sergio Ramos er náttúrulegur töffari og hann bauð enn einu sinni upp á „stælavíti“ í gær.
He's going to get caught out soon, surely?
Sergio Ramos bagged ANOTHER Panenka penalty as Real Madrid sealed a Copa del Rey win.
Report: https://t.co/QjhKLhY1vTpic.twitter.com/e1mZvBis1y
— BBC Sport (@BBCSport) January 24, 2019
Sergio Ramos skoraði með svokallaðri Panenka-vítaspyrnu en það er þegar vítaskyttan lyftir boltanum í mitt markið á meðan markvörðurinn skutlar sér í annaðhvort hornið. Hefði markvörðurinn verið kyrr þá hefði hann gripið boltann auðveldlega.
Það er mikil áhætta fólgin í slíkri spyrnu en hún var skírð eftir Tékkanum Antonín Panenka sem tryggði Tékkóslóvakíu Evrópumeistaratitilinn 1976 með því að taka svona spyrnu í vítaspyrnukeppni í úrslitaleiknum.
Sergio Ramos Panenka penalty expresses his "individuality"...
That's what he says... pic.twitter.com/G3obWddLwC
— Busy Buddies (@thebusybuddies) January 25, 2019
Það sem er þó fréttnæmast við þessa Panenka vítaspyrnu Sergio Ramos er að hann var að reyna þetta í fjórða sinn á tímabilinu.
„Þetta er stór persónuleg stund fyrir mig og þetta er leið fyrir mig til að tjá tilfinningar mínar og sýna það hvernig maður ég er,“ sagði Sergio Ramos heimspekilegur eftir leikinn.
„Markverðirnir bíða alltaf lengur og lengur eftir mér og ef þeir bíða þá þarf ég bara að setja boltann í annaðhvort hornið,“ sagði Sergio Ramos.
Alls hafa 7 af 15 vítaspyrnum Sergio Ramos á ferlinum verið Panenka-spyrnur.Hér fyrir neðan eru þær sem hann hefur tekið á þessu tímabili.
Sergio Ramos has now already scored 4 Panenka Penalties this season:
Girona
Valladolid
Celta Vigo
Girona
Lucky number 4 #HalaMadridpic.twitter.com/Tf0D1zSScX
— SergioRamosismo (@SergioRamosismo) January 24, 2019
Vítaspyrnur Sergio Ramos fyrir Real Madrid á leiktíðinni:
15. ágúst - 4-2 tap í framlengingu á móti Atletico Madrid - hægra hornið niðri
26. áhúst - 4-1 sigur Girona í deildinni - Panenka
1. september - 4-1 sigur á Leganes í deildinni - til hægri
3. nóvember - 2-0 sigur á Real Valladolid í deildinni - Panenka
11. nóvember - 4-2 sigur á Celta Vigo í deildinni - Panenka
9. janúar - 3-0 sigur á Leganes í bikarnum - vinstra hornið niðri
24. janúar - 4-2 sigur á Girona í bikarnum - Panenka
