Fótbolti

Nýtt fótboltalið í Texas

Óskar Ófeigur Jónsson skrifar
Merki Austin FC.
Merki Austin FC. Mynd/Twitter/MLS
Ellefta stærsta borgin í Bandaríkjunum er að fara að eignast sitt fyrsta atvinnumannalið. Já, það hefur tekið sinn tíma að fá lið til Austin í Texas fylki.

Fyrsta liðið í Austin er fótboltaliðið Austin FC. Þá erum við að tala um evrópskan fótbolta en ekki amerískan sem er eins og flestir vita gríðarlega vinsæll í Texas. Íbúar í Austin eru rétt tæplega ein milljón en borgin er höfuðborgin í Texas-fylki.





„Þetta er sögulegur dagur fyrir Austin. MLS kemur hingað með fyrsta atvinnumannaliðið í okkar fallegu borg,“ sagði borgarstjórinn Steve Adler.

Austin FC verður 27. félagið í bandarísku MLS deildinni og mun bætast við hans árið 2021. Tvö önnur MLS-fótboltalið eru í Texas en það eru Houston Dynamo og FC Dallas. FC Dallas var eitt af stofnliðum MLS árið 1996 en Dynamo-liðið bættist við árið 2006.

Austin FC fær glænýjan völl en framkvæmdir hefjast við þann 225 milljón dollara völl á þessu ári. Leikvangurinn mun taka tuttugu þúsund manns í sæti.

Það er annars fullt af nýjum liðum að koma inn í Major League Soccer deildina. FC Cincinnati spilar sitt fyrsta tímabili í ár og á næsta ári bætast síðan við lið frá Nashville og Miami. Lið Miami er einmitt liðið hans David Beckham og mun það bera nafnið Inter Miami. 







Fótbolti

Mest lesið


Fleiri fréttir

Sjá meira


×

Mest lesið