Byrjunarlið Íslands: Fimm manna varnarlína gegn heimsmeisturunum

Ísland mun þétta raðirnar er liðið mætir Frakklandi síðar í kvöld en gefið hefur verið út hvaða ellefu leikmenn koma til þess að byrja leikinn fyrir Íslands hönd.

Sverrir Ingi Ingason kemur inn í liðið á kostnað Jóhanns Bergs Guðmundssonar sem er farinn aftur til Englands meiddur. Fer Sverrir í hjarta varnarinnar með Kára og Ragnari.

Hörður Björgvin Magnússon kemur einnig inn í liðið en hann mun taka stöðu vinstri bakvarðar. Ari Frer Skúlason fær sér sæti á bekknum sem og þeir Alfreð Finnbogason og Arnór Sigurðsson.

Albert Guðmundsson kemur inn í liðið sem og Rúnar Már Sigurjónsson en reikna má með að Ísland spili kerfið 5-3-2 með þá Gylfa og Albert saman í fremstu víglínu.

Fylgst verður með leiknum í beinni textalýsingu á Vísi auk þess sem leiknum verður gerð ítarleg skil síðar í kvöld.

  Byrjunarliðið okkar gegn Frakklandi.#fyririslandpic.twitter.com/sWnG4DEvhv

— Knattspyrnusambandið (@footballiceland) March 25, 2019

Byrjunarlið Íslands (5-3-2):

Hannes Þór Halldórsson

Birkir Már Sævarsson

Ragnar Sigurðsson

Kári Árnason

Sverrir Ingi Ingason

Hörður Björgvin Magnússon

Rúnar Már Sigurjónsson

Aron Einar Gunnarsson

Birkir Bjarnason

Albert Guðmundsson

Gylfi Þór Sigurðsson