Öruggt hjá Malmö í bikarnum

Arnór Ingvi Traustason spilaði allan leikinn í sigri Malmö á Falkenbergs í sænsku bikarkeppninni í fótbolta.

Marcus Antonson og Anders Christiansen gerðu mörk Malmö í 2-0 sigrinum.

Norrköping gerði 1-1 jafntefli við Eskilstuna þar sem Jordan Larsson skoraði jöfnunarmarkið fyrir Norrköping.

Guðmundur Þórarinsson spilaði allan leikinn fyrir Norrköping.

Sænska bikarkeppnin er spiluð í riðlum og eru Norrköping og Eskilstuna jöfn á toppi riðils 2 með sjö stig eftir þrjá leiki. Malmö er í öðru sæti riðils 3 með sex stig.