Norðurslóðir voru C.S. Lewis afar hjartfólgnar Kristinn Haukur Guðnason skrifar 17. október 2019 07:52 Douglas við afhjúpun styttu af ljóninu Aslan í Belfast. Vísir/getty Douglas Gresham er fæddur í Bandaríkjunum, alinn upp í Bretlandi en býr nú á Möltu. Hann varð stjúpsonur rithöfundarins C.S. Lewis átta ára gamall en móðir hans, Joy, lést aðeins fjórum árum síðar. Lewis ól hann upp og hefur Douglas síðan haldið minningu hans og verkum á lofti, meðal annars með framleiðslu Hollywood-mynda um Narníu. Douglas, sem er 73 ára, kemur til Íslands í dag og flytur ávarp á ráðstefnu um Lewis, verk hans og tengsl við Ísland. „Ég mun ræða um stjúpföður minn og tengsl hans við Íslendingasögurnar, kvæðin og norðurslóðir sem hann elskaði af öllu hjarta,“ segir Douglas. „Ef hann hefði verið nógu efnaður og haft nægan tíma hefði hann ferðast meira um þessar slóðir.“ Douglas á góðar minningar um C.S. Lewis, eða Jack eins og hann var kallaður á heimilinu. „Ég þekkti Narníubækurnar áður en ég hitti hann fyrst og bjóst við að sjá brynjuklæddan mann með sverð. En svo reyndist hann vera settlegur háskólakennari sem angaði af tóbaki,“ segir hann og hlær. „Hann var einstaklega ljúfur, með góða kímnigáfu og hafði gaman af lífinu. Hann gekk mér í föðurstað og kenndi mér meira en nokkur annar hefur gert.“ Hjónaband Joy og Jacks var ástríkt þótt það hafi verið stutt og um það var gerð kvikmyndin Shadowlands. Samband Jacks og Douglas breyttist ekki þegar Joy lést úr krabbameini árið 1960. Jack skrifaði bókina A Grief Observed um þá reynslu, sem Douglas segir bestu bók um sorgarferli sem til sé. „Allt minnti okkur á mömmu og hann grét reglulega, mun meira en ég gerði,“ segir Douglas. Að sögn Douglas hafa verkin aldrei verið vinsælli en einmitt nú og Narníubækurnar hafa verið þýddar á um 50 tungumál en Douglas sér um bú fjölskyldunnar og samskipti við útgefendur. C.S. Lewis er þekktastur fyrir ævintýrabækur en hann skrifaði einnig vísindaskáldskap, fræðirit, trúarleg rit og margt fleira. „Verk Jacks munu aldrei deyja, þau berast frá einni kynslóð til annarrar,“ segir Douglas. C.S. Lewis var mjög trúaður og skín það í gegnum öll hans verk, þar á meðal Narníubækurnar. „Í Narníu er ljónið Aslan, sem er táknmynd Jesú Krists. Ungt fólk skilur þetta mun betur en fullorðnir. Aslan býður sig fram til að deyja fyrir svikarann Edmund, eða Júdas, og rís svo upp frá dauðum.“ Douglas Gresham mun halda fyrirlestra og svara spurningum í dag og á morgun á Háskólatorgi, í Neskirkju, í Landsbókasafni og í Háskólabíói á ráðstefnu um C.S. Lewis í Reykjavík. Birtist í Fréttablaðinu Bókmenntir Menning Norðurslóðir Mest lesið Steldu stílnum af konunum í forsetaframboði Tíska og hönnun Krakkatían: Frambjóðendur, rapparar og ofurhetjur Lífið Af vængjum fram: „Ég ætla ekkert að fara að gráta hérna“ Lífið Ásdís Rán býður forsetaefnum á rauða dregilinn Lífið Fréttatía vikunnar: Forsetakosningar, sjóslys og mýflugnafaraldur Lífið „Blessunarlega ekkert stoppaður af foreldrum mínum“ Tíska og hönnun Heitustu trendin fyrir sumarið 2024 Lífið Forseti Hæstaréttar og Kristján Loftsson í gámapartýi Lífið Hafa ekki sést saman í sjö vikur Lífið „Fengum ekki sjokk, en við fengum sjokk að hann væri með hjartagalla“ Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Douglas Gresham er fæddur í Bandaríkjunum, alinn upp í Bretlandi en býr nú á Möltu. Hann varð stjúpsonur rithöfundarins C.S. Lewis átta ára gamall en móðir hans, Joy, lést aðeins fjórum árum síðar. Lewis ól hann upp og hefur Douglas síðan haldið minningu hans og verkum á lofti, meðal annars með framleiðslu Hollywood-mynda um Narníu. Douglas, sem er 73 ára, kemur til Íslands í dag og flytur ávarp á ráðstefnu um Lewis, verk hans og tengsl við Ísland. „Ég mun ræða um stjúpföður minn og tengsl hans við Íslendingasögurnar, kvæðin og norðurslóðir sem hann elskaði af öllu hjarta,“ segir Douglas. „Ef hann hefði verið nógu efnaður og haft nægan tíma hefði hann ferðast meira um þessar slóðir.“ Douglas á góðar minningar um C.S. Lewis, eða Jack eins og hann var kallaður á heimilinu. „Ég þekkti Narníubækurnar áður en ég hitti hann fyrst og bjóst við að sjá brynjuklæddan mann með sverð. En svo reyndist hann vera settlegur háskólakennari sem angaði af tóbaki,“ segir hann og hlær. „Hann var einstaklega ljúfur, með góða kímnigáfu og hafði gaman af lífinu. Hann gekk mér í föðurstað og kenndi mér meira en nokkur annar hefur gert.“ Hjónaband Joy og Jacks var ástríkt þótt það hafi verið stutt og um það var gerð kvikmyndin Shadowlands. Samband Jacks og Douglas breyttist ekki þegar Joy lést úr krabbameini árið 1960. Jack skrifaði bókina A Grief Observed um þá reynslu, sem Douglas segir bestu bók um sorgarferli sem til sé. „Allt minnti okkur á mömmu og hann grét reglulega, mun meira en ég gerði,“ segir Douglas. Að sögn Douglas hafa verkin aldrei verið vinsælli en einmitt nú og Narníubækurnar hafa verið þýddar á um 50 tungumál en Douglas sér um bú fjölskyldunnar og samskipti við útgefendur. C.S. Lewis er þekktastur fyrir ævintýrabækur en hann skrifaði einnig vísindaskáldskap, fræðirit, trúarleg rit og margt fleira. „Verk Jacks munu aldrei deyja, þau berast frá einni kynslóð til annarrar,“ segir Douglas. C.S. Lewis var mjög trúaður og skín það í gegnum öll hans verk, þar á meðal Narníubækurnar. „Í Narníu er ljónið Aslan, sem er táknmynd Jesú Krists. Ungt fólk skilur þetta mun betur en fullorðnir. Aslan býður sig fram til að deyja fyrir svikarann Edmund, eða Júdas, og rís svo upp frá dauðum.“ Douglas Gresham mun halda fyrirlestra og svara spurningum í dag og á morgun á Háskólatorgi, í Neskirkju, í Landsbókasafni og í Háskólabíói á ráðstefnu um C.S. Lewis í Reykjavík.
Birtist í Fréttablaðinu Bókmenntir Menning Norðurslóðir Mest lesið Steldu stílnum af konunum í forsetaframboði Tíska og hönnun Krakkatían: Frambjóðendur, rapparar og ofurhetjur Lífið Af vængjum fram: „Ég ætla ekkert að fara að gráta hérna“ Lífið Ásdís Rán býður forsetaefnum á rauða dregilinn Lífið Fréttatía vikunnar: Forsetakosningar, sjóslys og mýflugnafaraldur Lífið „Blessunarlega ekkert stoppaður af foreldrum mínum“ Tíska og hönnun Heitustu trendin fyrir sumarið 2024 Lífið Forseti Hæstaréttar og Kristján Loftsson í gámapartýi Lífið Hafa ekki sést saman í sjö vikur Lífið „Fengum ekki sjokk, en við fengum sjokk að hann væri með hjartagalla“ Lífið Fleiri fréttir „Leikmyndin er auðvitað algjört rusl“ Gríman 2024: Saknaðarilmur hlaut flestar tilnefningar Barbara Hannigan stjórnar Sinfóníuhljómsveitinni Bergur Þór nýr leikhússtjóri Leikfélags Akureyrar Nóbelsverðlaunahafinn Alice Munro er látin Fjögurra ára rússíbanareið að baki Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira