Versta byrjun Óla Jóh síðan að hann féll með Skallagrími fyrir 22 árum

Valsmenn sitja í neðsta sæti Pepsi Max deildar karla í knattspyrnu eftir 2-1 tap á móti Stjörnunni í sjöundu umferðinni í gær.

Valsliðið hefur tapað fimm af fyrstu sjö leikjum sínum og aðeins náð í samtals fjögur stig af 21 mögulegu.

Það er óhætt að segja að þessu slæma byrjun skeri sig úr á frábærum þjálfaraferli Ólafs Jóhannessonar.

Valsliðið hafði aðeins tapað samanlagt sjö leikjum í fyrstu sjö umferðunum á fyrstu fjórum tímabilum Ólafs á Hlíðarenda frá 2015 til 2018.

Þá tapaði FH-liðið aðeins samanlagt þremur leikjum (af 35) í fyrstu sjö umferðunum á fimm tímabilum Ólafs með FH-liðið frá 2003 til 2007.

Þetta er fimmtánda leiktíð Ólafs Jóhannessonar með lið í efstu deild á Íslandi og hann hefur aðeins einu sinni áður verið með færri stig eftir fyrstu sjö leikina.

Sumarið 1997 þjálfaði hann nýliða Skallagríms í Borgarnesi. Liðið vann fyrsta leikinn sinn en tapaði svo sex í röð og var því aðeins með þrjú stig eftir sjö leiki. Skallargrímsliðið féll síðan úr deildinni um haustið.

Valsliðið fær nú þrettán daga til að koma sér aftur upp á tærnar og í betra form. Það er öllum ljóst að Valsmenn eru ekki með mannskap til að sitja í neðsta sæti Pepsi Max deildar karla.

Hér fyrir neðan má sjá verstu byrjanir Ólafs Jóhannessonar með lið í efstu deild.



Verstu byrjanir liða liða Ólafs Jóhannessonar

(Stig í fyrstu sjö leikjunum í efstu deild)

3 stig - Skallagrímur 1997 (9. sæti eftir 7 umferðir)

4 stig - Valur 2009 (12. sæti)

5 stig - FH 1991 (8. sæti)

6 stig - FH 1995 (9. sæti)

9 stig - FH 1990 (6. sæti)

10 stig - Valur 2016 (7. sæti)

11 stig - FH 1989 (4. sæti)

11 stig - FH 2003 (3. sæti)

11 stig - Valur 2015 (5. sæti)

12 stig - FH 2004 (2. sæti)

12 stig - Valur 2018 (2. sæti)

16 stig - Valur 2017 (1. sæti)

19 stig - FH 2006 (1. sæti)

19 stig - FH 2007 (1. sæti)

21 stig - FH 2005 (1. sæti)

Tapleikir í fyrstu sjö umferðunum hjá liðum Ólafs Jóhannessonar í efstu deild:

Sumarið 2019 - 5 tapleikir í 7 leikjum (71% leikja)

Árin 2015-2018 - 7 tapleikir í 28 leikjum (25% leikja)

Árin 2003-2007 - 3 tapleikir í 35 leikjum  (9% leikja)