Sjáðu markið hjá Fanndísi í dag

Íslenska landsliðskonan Fanndís Friðriksdóttir var á skotskónum í svekkjandi tapi í áströlska fótboltanum í dag.

Fanndís Friðriksdóttir og Gunnhildur Yrsa Jónsdóttir hjálpuðu íslenska kvennalandsliðinu að vinna Skota fyrr í vikunni en náðu ekki öðrum sigri með félagsliðinu sínu í dag.

Fanndís og Gunnhildur Yrsa voru mættar aftur til Ástralíu í dag til að spila með liði sínu Adelaide United á móti liði Newcastle Jets.

Fanndís skoraði sitt annað mark á tímabilinu þegar hún jafnaði metin í 1-1 á 29. mínútu leiksins. Það leit allt út fyrir að það yrði jöfnunarmarkið en Newcastle liðið náði að skora sigurmarkið í uppbótartíma.

Fanndís var farinn af velli þegar Adelaide United fékk á sig þetta svekkjandi sigurmark í lokin en Gunnhildur Yrsa Jónsdóttir spilaði allan leikinn.

Hér fyrir neðan má sjá þetta laglega mark hjá Fanndísi sem lagði boltann fyrir sig í teignum og skoraði með góðu skoti.

.@fanndis90 did the hard yards to beat the Jets to the ball for her second goal of the season.  #AUFC#ADLvNEW#WLeague

@FOXFOOTBALLpic.twitter.com/fzJvQLejtC

— AUFC Women (@AUFCWomen) January 25, 2019