Margrét Lára veik þegar hún gat spilað fyrsta landsleikinn sinn í langan tíma

Jón Þór Hauksson, þjálfari íslenska kvennalandsliðsins í fótbolta, hefur tilkynnt byrjunarlið sitt fyrir fyrsta leik liðsins á Algarve-mótinu í ár.

Íslensku stelpurnar mæta Kanada  klukkan 13.15 í dag. Kanada er eitt allra sterkasta lið heims og sitja þær í fimmta sæti heimslistans og er mótið liður í undirbúningi þeirra fyrir HM í Frakklandi í sumar.

Þórdís Hrönn Sigfúsdóttir og Margrét Lára Viðarsdóttir geta ekki verið með íslenska liðinu í dag vegna veikinda. Margrét Lára, markahæsta landsliðskonan í sögunni, er að koma aftur inn í liðið eftir langan tíma frá vegna meiðsla.

Íslenska landsliðið vann 2-1 sigur á Skotlandi í fyrsta leik Jóns Þórs og er þetta annar leikur liðsins undir hans stjórn. Jón Þór gerir tvær breytingar frá því í Skotaleiknum.

Fanndís Friðriksdóttir var ekki valinn í hópinn og er þar af leiðandi ekki í byrjunarliðinu en Selma Sól Magnúsdóttir kemur inn fyrir hana. Sandra Sigurðardóttir kemur síðan í markið í staðinn fyrir Sonný Láru Þráinsdóttur.

  Byrjunarlið Íslands gegn Kanada!#LeiðinTilEnglands#fyririsland#dottirpic.twitter.com/gynNzyz176

— Knattspyrnusambandið (@footballiceland) February 27, 2019

Byrjunarlið Íslands á móti Kanada í dag:

Sandra Sigurðardóttir, Valur

Sif Atladóttir, Kristianstad

Glódís Perla Viggósdóttir, Rosengard

Ingibjörg Sigurðardóttir, Djurgarden

Hallbera Guðný Gísladóttir, Valur

Gunnhildur Yrsa Jónsdóttir, Utah Royals

Sara Björk Gunnarsdóttir, Wolfsburg

Selma Sól Magnúsdóttir, Breiðablik

Elín Metta Jensen, Valur

Agla María Albertsdóttir, Breiðablik

Berglind Björg Þorvaldsdóttir, PSV

Stelpurnar eru mættar á völllinn.

Styttist í leik!

We have arrived at the stadium!#LeiðinTilEnglands#fyririsland#dottirpic.twitter.com/MgWBu2l4HA

— Knattspyrnusambandið (@footballiceland) February 27, 2019