Þriðja tapið hjá strákunum í Makedóníu

Íslenska landsliðið í körfubolta skipað leikmönnum 18 ára og yngri tapaði þriðja leik sínum í riðlakeppni EM U18 gegn Hollendingum í dag.

Íslenska liðið var sterkara í fyrri hálfleik og voru strákarnir með fimm stiga forskot í hálfleik, 38-43.

Þriðji leikhlutinn var hins vegar afleitur hjá íslenska liðinu sóknarlega og skoraði liðið aðeins 8 stig á meðan það hollenska gerði 29.

Eftir það var róðurinn orðinn of erfiður fyrir íslensku strákana og lokatölur urðu 90-68.

Ísland hefur því tapað öllum þremur leikjum sínum til þessa í mótinu. Næsti leikur er gegn Lúxemborg á þriðjudag.