Modric bestur að mati FIFA og fimm leikmann Real í liði ársins

Luka Modric, leikmaður Real Madrid, var kosinn leikmaður ársins en úrslitin voru kunngerð á lokahófi FIFA í kvöld.

Modric átti stórkostlegt tímabil. Hann spilaði lykilhlutverk í liði Real Madrid sem vann Meistaradeildina þriðja árið í röð með 2-1 sigri á Liverpool.

Einnig var Modric fyrirliði króatíska landliðsins sem fór alla leið í úrslitaleikinn á HM en tapaði þar fyrir Frökkum.

Modric hafði betur gegn Mohamed Salah og Cristiano Ronaldo sem einnig voru tilnefndir en Króatinn kom, sá og sigraði.

Modric var einnig í liði ársins en hann var þar ásamt fjórum öðrum félögum sínum í Real Madrid. Liðið í heild sinni má sjá hér að neðan.

Lið ársins:

David De Gea

Dani Alves, Raphael Varane, Sergio Ramos, Marcelo

Luka Modric, Ngolo Kanté, Eden Hazard

Kylian Mbappe, Lionel Messi, Cristiano Ronaldo