Öflugur útisigur Martins og félaga

Martin Hermannsson og félagar í Alba Berlín unnu sterkan útisigur, 83-75, á Lokamotiv Kuban Krasnodar í Evróukeppninni en leikið var í Kazan í Rússlandi.

Martin og félagar byrjuðu af krafti og voru átta stigum eftir fyrsta leikhlutann. Þeir leiddu svo með tíu stigum í hálfleik, 49-39.

Meira jafnræði var í síðari hálfleik en þrátt fyrir áhlaup Rússanna stóð þýska liðið það af sér og vann að lokum öflugan sigur á útivelli.

Martin skoraði sjö stig í leiknum auk þess að taka þrjú fráköst og gefa fimm stoðsendingar. Einnig stal hann tveimur boltum.

Alba er komið á topp B-riðils í Evrópukeppninni en þeir eru jafnir Lokomotiv með fjóra sigra í fyrstu fimm leikjunum. Flott byrjun hjá þeim en síðari umferðin er eftir.