Seinni bylgjan: Handsöluðu veðmál um úrslitin í Akureyrarslagnum
Logi Geirsson og Jóhann Gunnar Einarsson, sérfræðingar Seinni bylgjunnar á Stöð 2 Sport HD, voru fengnir til að spá fyrir um úrslitin í Akureyrarslagnum um helgina í Lokaskotinu á mánudagskvöldið.
KA vann Akureyri í fyrstu umferð deildarinnar á heimavelli en nú fær Akureyri Handboltafélag erkifjendur sína í heimsókn í Höllina fyrir norðan.
Jóhann Gunnar er á því að Akureyri vinnur leikinn þar sem að liðið er að sækja í sig veðrið en það er búið að tvöfalda stigafjölda sinn í síðustu tveimur leikjum.
Logi sagði að KA myndi örugglega vinna og vildi veðja 5.000 krónum. Jóhann Gunnar var ekki alveg á því að setja svo mikinn pening á leikinn þannig að þeir fóru milliveginn.
Lokaskotið má sjá hér að neðan.
Tengdar fréttir
Seinni bylgjan: Drulluleiður á því að það sé endalaust gengið fram hjá honum
Daníel Freyr Andrésson hefur átt frábæra endurkomu í Olís deild karla í handbolta í vetur og á mikinn þátt í því að Valsmenn eru það lið sem hefur fengið á sig fæst mörk í deildinni.
Seinni bylgjan: Gott að eiga Ás(a) í ermi
FH-ingurinn Ásbjörn Friðriksson hefur verið einn allra besti leikmaður Olís deildar karla í handbolta í vetur og strákarnir í Seinni bylgjunni fóru vel yfir mikilvægi hans í nýjasta þættinum sínum.
Logi vill bæta VAR: Þjálfarar geti látið skoða dóma
Haukar hefðu unnið Val í Olísdeild karla í gær ef myndbandsdómgæslureglurnar væru aðeins betri. Þetta sagði Logi Geirsson í Seinni bylgjunni á Stöð 2 Sport í gær.
Seinni bylgjan: „Þeir segja hann sé dýrasti markmaður Íslands“
Sveinbjörn Pétursson hefur verið frábær í marki Stjörnunnar í Olísdeild karla í síðustu leikjum. Hann gat ekki verið með gegn toppliði Selfoss um helgina en Sigurður Ingiberg Ólafsson kom inn í hans stað og varð hetja Stjörnunnar.
Seinni bylgjan: Arnar mættur aftur á æfingar í Eyjum
Íslands-, bikar- og deildarmeistarar ÍBV unnu í gær sinn fyrsta leik síðan í október þegar liðið lagði Fram í Olísdeild karla.
