Jólaspá Siggu Kling – Vogin: Átt gjörsamlega að sturta niður þeim tengingum

Elsku hjartans Vogin mín, ástin sigrar allt, þú ert á því tímabili að ástin í kringum þig eflist alveg sama hvað þú elskar, svo haltu áfram að beina huganum að því sem þú elskar þá verður allt fullkomið.

Að sjálfsögðu geturðu verið að ganga í gegnum erfiðar tengingar í ástinni, hvort sem það tengist fortíðinni eða einhverjum í kringum þig, en það er þá eitthvað sem þú átt gjörsamlega að sturta niður þeim tengingum í klósettið því það eru ekki réttu tengingarnar.

Þú hugsar langbest um líkama þinn af öllum merkjum, svo það pirrar þig óstjórnlega ef þú stundar ekki hreyfingu, ferð í dans, jóga eða borðar hressandi mat. Þetta finnurðu á þér ef þér finnst eitthvað vera komið í ólag þá tekurðu u-beygju og hækkar orkuna þína um mörg decibil.

Það eru allir sem eru tengdir í þetta merki listamenn, bara hvernig þú sérð hlutina, hvernig þú raðar matnum á diskinn þinn því að smáu hversdagslegu hlutirnir eru líka list.  Þú átt kannski ekki eftir að ganga hinn gullna meðalveg á næstunni, enda engin meðalmanneskja. Það verður alltaf eitthvað að gerast sem gerir líf þitt meira spennandi. Þetta sjálfsöryggi sem þú hefur svo sannarlega og allir sjá (nema kannski þú) lætur þig heillast af spennandi verkefnum og jafnvel öðruvísi og spennandi íþróttum.

Það sem þér leiðist meðalmennskan verður þú að tengja þig við ævintýri og ævintýralegt starf og skóla, og stundum á þetta líka við í ástinni. Það er búið að vera ótrúlega mikið að gerast hjá þér síðustu þrjá mánuði, en hver dagur er að gera þig sterkari.

Þú verður líka að skilja að það er engin deila í gangi nema þegar tveir deila, svo slíðraðu sverðin og leyfðu þeim sem vilja gelta og eru neikvæðir gera það án þinnar aðstoðar.

Það er eins og það sé einhvers konar einkaspæjari í þér þessa dagana, þú kemst að öllu hvort sem þú vilt það eða ekki, haltu því fyrir þig sem þú vilt ekki að allir viti, vegna þess að þjóð veit þegar þrír vita.

Frægir í Voginni: Kári Árnason landsliðsmaður, Glúmur Baldvinsson stjórnmálafræðingur, Hjalti flugþjónn, Ingi í Sign, Jón Axel Ólafsson athafnamaður, Matt Damon leikari, Íris Berg, fatahönnuðurinn minn, Mary Poppins, Svanhildur Hólm Valsdóttir, aðstoðarmaður ráðherra og sjónvarpskona, Hanna Birna Kristjánsdóttir, Lilja Dögg Alfreðsdóttir alþingiskona, Ósk Gunnarsdóttir útvarpskona, María Einarsdóttir ritari stjörnuspánnar, Arnþrúður Karlsdóttir útvarp Saga, Skúli Mogensen, Hulda Hólmkelsdóttir fréttakona, Walter Matthau, Olavia Newton John, Ragga Gísla, Steinn Steinarr, Margret Thatcher, Ragnheiður Elín Árnadóttir, hinn mikli meistari.