Sá fyrsti til að vinna Gunnar er hættur í MMA

Bandaríkjamaðurinn Rick Story tilkynnti í gær að hann væri hættur að berjast 34 ára að aldrei.

Þessi skemmtilegi bardagakappi vann 21 bardaga á ferlinum og tapaði 10.

Hann er fyrst og fremst þekktur hér á landi fyrir að vera fyrsti maðurinn til þess að hafa betur gegn Gunnari Nelson í búrinu. Það gerði hann í Stokkhólmi þann 4. október árið 2014.

Story náði ekki að fylgja þeim sigri almennilega eftir og barðist aðeins tvisvar í viðbót fyrir UFC. Hann hefur verið að vinna mikið fyrir sjónvarp og verður ekki í vandræðum með að finna sér eitthvað að gera.

“To all my fans, friends and supporters, thank you.” pic.twitter.com/mAumWDNB8q

— Rick (@Rick_Story) November 8, 2018