Erlent

Helmingur ráðherra í Eþíópíu nú konur

Atli Ísleifsson skrifar
Abiy Ahmed tók við embætti forsætisráðherra Eþíópíu árið 2015.
Abiy Ahmed tók við embætti forsætisráðherra Eþíópíu árið 2015. Getty/Anadolu
Abiy Ahmed, forsætisráðherra Eþíópíu, hefur kynnt nýja ríkisstjórn landsins þar sem helmingur ráðherra eru konur.



BBC  greinir frá því að í fyrsta skipti í sögu landsins muni kona gegna embætti varnarmálaráðherra. Konur munu einnig gegna embætti ráðherra viðskiptamála, iðnaðar, auk þess að leiða nýtt friðarráðuneyti.



Alls eiga tuttugu ráðherrar sæti í ríkisstjórninni samanborið við 28 í þeirri síðustu. Fimm konur áttu sæti í síðustu ríkisstjórn. Hið nýja friðarráðuneyti mun fara með málaflokk alríkislögreglunnar og leyniþjónustunnar.



Allt frá því að Abiy Ahmed tók við embætti forsætisráðherra árið 2015 hefur margoft komið til átaka milli ólíkra þjóðernishópa á strjálbýlli svæðum landsins. Ahmed hefur lagt áherslu á að leysa áralangar deilur landsins við nágrannaríkið Erítreu.

Tengd skjöl


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.