Októberspá Siggu Kling - Krabbinn: Eldingar gerast þegar kuldi mætir hita

Elsku Krabbinn minn, það hefur verið mikill rússíbani yfir þér, bæði svart og svo skínandi bjart. Þú ert kominn á vissa braut þar sem þú getur ekki stöðvað aðstæður sem eru í raun ótengdar sjálfum þér.

Þú verður bara sterkari fyrir vikið og ekkert hefur eflt þig eins mikið eins og erfiðar og flóknar aðstæður, því þá drífurðu þig áfram eins og elding og hversu öflugt er það?

Einföldu hlutirnir fara að skipta þig meira máli og þú tekur meira eftir umhverfinu og landinu sem þú býrð á og í því öllu muntu sýna mikið þakklæti.

Ég las það í blaði um daginn að Kaliforníu háskóli hafði gert rannsókn á fólki sem vísvitandi og reglubundið þakkaði fyrir allt sem það fékk og upplifði og þessu fólki vegnaði margfalt betur heldur en þeim sem ekki sýndu sama þakklæti.

Það er gott fyrir að skrifa þeim þremur aðilum sem þú elskar mest, hvað þér finnst um þá, hvernig þeir hafa breytt lífi þínu og farðu svo persónulega með bréfið til þeirra. Þetta er gert í Dale Carnegie og hefur breytt líðan svo ótalmargra.

Það er svo margt að gerast núna sem tengir þig nýju lífi og eldingar gerast þegar kuldi mætir hita, þá gerist þetta ótrúlega kraftaverk sem elding er. Svo þú mátt búast við á næstu mánuðum að lítil og stór kraftaverk gerist og til þess að þau haldi áfram að gerast skaltu fagna í hvert skipti því að lífið þitt er svo magnað. Þú munt svo sannarlega sjá þetta á þeirri röð atvika sem munu hrannast upp fyrir framan þig og sýna þér töfrana, og ef þú værir bók þá værirðu metsölubók!

Frægir Krabbar: Bryndís Schram, Sigga Lorange Ostabúðarskvísa, Auddi Blö, sem við elskum öll, Dagur B. Eggertsson, borgarstjóri og dúlla, Ólafur Stefánsson, handboltakappi og heimspekingur, Edda Sif, Sindri Sindrason, Ásdís Halla Bragadóttir, Hjörvar Hafliðason og Lars Lagerbäck landsliðsþjálfari, Davíð hinn góði skóari í Hafnafirði, Stefán Árni Pálsson fréttamaður, Guðni Th. forseti Íslands, Friðbjörn Europartakóngur, Yesmine Olsen, höfundur og framleiðandi, George Michael, Kristófer Helgason, dagskrágerðamaður, Nuno Alexandre Bentin Servo veitingahúsakóngur, Helga Hafsteinsdóttir, hárgreiðsluséní á Akureyri, Íris Björk Tanya frumkvöðull og hönnuður, Liga Liepina hestaljósmyndari.