Kristján Guðmundsson tekur við kvennaliði Stjörnunnar

Kristján Guðmundsson er tekinn við kvennaliði Stjörnunnar í knattspyrnu en hann semur til tveggja ára.



Kristján er reynslumikill þjálfari en hann stýrði síðast karlaliði ÍBV í Pepsi-deild karla.

Einnig hefur Kristján þjálfað lið eins og Keflavík og Val í karlaboltanum og gerði hann Keflavík að bikarmeisturum árið 2006.

Þá hefur hann einnig þjálfað í Færeyjum og varð hann færeyskur meistari með HB árið 2010.



Ólafur Þór Guðbjörnsson hefur þjálfað Stjörnuna síðustu ár en hann lét af störfum eftir tímabilið í sumar.



Ólafur gerði frábæra hluti með Stjörnuliðið og gerði þær meðal annars tvisvar sinnum að Íslandsmeisturum og tvisvar sinnum að bikarmeisturum.



Stjarnan endaði í þriðja sæti Pepsi deildar kvenna í sumar.