Erlent

Páfi kennir kölska um hneykslismálin

Þórgnýr Einar Albertsson skrifar
Frans páfi.
Frans páfi. Fréttablaðið/GETTY
Djöfullinn ber ábyrgð á þeim fjölmörgu kynferðisofbeldis­hneykslismálum sem hafa skekið kaþólsku kirkjuna. Þetta sagði Frans páfi í gær og bað kaþólikka um allan heim um að leggjast á bæn alla daga októbermánaðar til að hrekja freistarann í burtu.

„Við verðum að bjarga kirkjunni frá þeim illa, frá freistaranum. Á sama tíma þurfum við að vera meðvituð um sekt okkar, mistök og misbeitingu í nútíð og fortíð,“ hafði Reuters eftir Frans páfa.

Hneykslismál kaþólsku kirkjunnar eru mýmörg og hefur komist upp um stórfelld brot í meðal annars Bandaríkjunum og í Síle undanfarið.




Tengdar fréttir

Neyðarástand vegna fellibyls

Fellibylurinn Michael stefnir á Flórída. Spár gera ráð fyrir því að hann gangi á land sem annars stigs fellibylur á morgun. Neyðarástandi lýst yfir og varað við hvassviðri, mikilli úrkomu, hækkandi sjávarborði og flóðum.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.