Tryggvi hafði betur gegn Martin í æfingarleik

Landsliðsmennirnir Tryggvi Snær Hlinason og Martin Hermannsson áttust við í æfingaleik á Spáni í gærkvöldi.



Tryggvi leikur með spænska liðinu Obradoiro en Martin leikur með þýska liðinu Alba Berlin.



Báðir byrjuðu leikinn í gær og varð Martin stigahæstur í sínu liði, með 12 stig á 27 mínútum. Tryggvi skoraði sjö stig og tók fjögur fráköst á 25 mínútum.



Lokatölur leiksins urðu 74-68 fyrir Obradoiro en það verður spennandi að sjá þessa ungu leikmenn í sterkustu deildum Evrópu í vetur.



Tryggvi og Martin verða að öllum líkindum í íslenska landsliðinu þegar þeir mæta Portúgölum í forkeppni Eurobasket 2021. Leikurinn fer fram í Portúgal sunnudaginn 16. september.

 

Balón al aire!! @OBRADOIROCAB vs @albaberlin por un puesto en la final contra @UCAMMurcia#EncestaRíaspic.twitter.com/VQuvN7rj2m

— EncestaRías (@ADC_EncestaRias) September 7, 2018