Gérard Depardieu sakaður um nauðgun

Leikarinn Gérard Depardieu hefur verið sakaður um nauðgun og kynferðisbrot af ungri leikkonu. Hinn 69 ára gamli Depardieu þvertekur fyrir að hafa framið brotið. 22 ára gömul leikkona lagði fram kæru á mánudaginn og á nauðgunin að hafa átt sér stað á heimili Depardieu í París í byrjun ágúst en Frakkinn er einnig með rússneskan ríkisborgararétt.

Samkvæmt BBC þekktust Depardieu og konan fyrir og umboðsmaður hennar segir hana vera miður sín.



Lögmaður Depardieu sagði fjölmiðlum í Frakklandi að hann væri sannfærður um rannsókn myndi hreinsa nafn hans. Hervé Temime, lögmaðurinn, segir Depardieu vera sleginn yfir þessum ásökunum.

Saksóknarar í París hafa málið til rannsóknar.